“Prome Minister Señora Evelyn Wever-Croes. Ami ta un Dokter Venezolano, Neuroloog, trahando na Hospital di Aruba. Prome pabien pa manera cu boso ta deal cu e situacion aki. Eigenlijk e ta algo hopi difícil, pero nos tur hunto lo por logra”, asina Dr. Roberto Weiser a publica riba su pagina di Facebook.
“Mi recomendacion pa Boso ta haci Toque de Queda pa 24 ora. E ta necesario. Di otro manera e situacion lo bay bira pio. Hende mester sali solamente pa cumpra cuminda, remedi y bay bek cas, manera otro paisnan ta haciendo aworaki”, asina e Neurologo a conseha e prome mandatario di nos pais.
Na final el a skirbi cu e sa bon kico ta biba cu crisis. E ta spera cu un dia, ora tur e problema grandi aki ta soluciona, cu e por cera conoci cu Minister Presidente y cu e lo por estrecha su man.