Parlamentario Edgard Vrolijk di e fraccion di MEP a sigura cu awe diahuebs ta ora cero pa Gobierno di Aruba, relaciona cu e asunto di tiramento di pisca. Despues di awe no tin otro chens, sea Gobierno ta tuma decision of sino Parlamento lo tuma un decision awe. MEP ta sinti nan mes convenci cu mayoria lo uni awe contra Gobierno si acaso nan no presenta un alternativa drechi pa e piscadonan.
Di otro banda, e ley aki ta encera tres minister: Esun principal, Chris Romero (MEP), Andin Bikker (POR) y Marisol Lopez-Tromp (sin partido). Ora parlamentario Edgard Vrolijk menciona cu si Gobierno no tuma un decision awe, cu parlamento lo tum’e, como tal no ta cuadra. Prome cu esey sosode, MEP lo mester convence POR y RED pa vota hunto cu nan. MEP lo laga su mesun minister cay?
Y ta bin acerca cu awe ta un bijeenkomst, pues ta dificil crea un ley di nada awe. Locual si por sali awe ta un deseo di parlamento. Pero esey tur hende tin caba, esta un deseo pa regula e tiramento di pisca. Ningun fraccion ni gobierno ta contra, pero…ta parce cu ningun no sa con pa regl’e.
Entretanto Minister Andin Bikker di POR a ofrece su mes, siendo hurista, pa e mes haci adaptacion den maneho y den ley. Awe el a keda di present’e den parlamento pa por logra un aprobacion di mayoria.
E reunion aki ta tuma luga pa 2:00pm y por siguie via 24ora.com.
