Turista riba nos isla. Durante nan aventura riba quadracer, un pareha a haya un accidente chikito na e subida di Lago Heights. E pasahero femenino a resulta herida pero afortunadamente nada di gravedad.
Esaki a tuma luga den careda di 2:00 pm net un poco despues di e birada. A compronde cu nan tabata direccion Sero Colorado pero na caminda a accidenta.
Na yegada di polis a pidi presencia di ambulance tambe pa asina trata e turista su heridanan na pia. No tabata grave pero tabata sangra un poco. No tabata necesario transport’e pa hospital.
