Spaña tin mas caso di coronavirus cu Italia

1286

Spaña a pasa Italia y a bira e pais Europeo cu mas contagio di coronavirus. E pais ta conta cu mas di 124.736 hende infecta, mientras Italia tin registra 124.632. E cantidad di morto di mas halto registra ta di Italia, cu ta al rededor di 15.300. Segun informacionnan di Spaña, ta al rededor di 11.700 hende a muri di e virus.

For di ambos pais ta scuchando cu e cantidad di morto y esnan infecta a yega e punto di mas halto. E cifra di morto di coronavirus mas abou cu Italia a meld desde 26 di Maart ta 681.
Pa prome biaha e cantidad di hende cu a yega hospital pa bay den cuido intensivo tambe a baha desde cu e pandemia di coronavirus a explota na Italia mas di un luna pasa. E cantidad di pashent den e departamento di cuido intensivo a bira menos cu 4000. “Esaki ta un noticia importante pasobra ta duna nos hospitalnan un respiro,” autoridadnan a señala.