SPA: Schimmel ta un problema di hopi tempo na Warda na Playa

Jose Dirksz, Presidente di Sindicato di Polis di Aruba SPA tambe a acudi diabierna na warda di Polis na Playa ora cu a dicidi pa saca e Polisnan afo debi na e holo fuerte.

E problema di diahuebs na warda di Playa a sigui diabierna. El a bisa cu su coleganan a keha cerca directiva di SPA di  e kimico cu nan a spray den warda cu ta afecta nan. A palabra cu Alto Comisario di Polis cu e solucion ta pa muda straatdienst Playa pa warda di Santa Cruz, esta e dag/avond dienst y si ta necesario, e nachtdienst tambe. Pero pa cualkier eventualidad, pueblo por yama 100 y ta percura pa tin patruya na Warda di Playa y e districto di Playa.

Awor aki no tin idea te ki momento e situacion lo dura. Ta buscando un solucion pa esaki. Dirksz a bisa cu e situacion ta tiki peligroso pa loke ta salud di e agentenan. E problema di schimmel ta andando pa un tempo caba y mester soluciona esaki. Tin acuerdonan cu Alto Comisario di Polis pa esaki y ta keda monitor e situacion. E salud di e polisnan ta importante, ta un mensahe cu a ricibi for di KPA.

SPA: Schimmel ta un problema di hopi tempo na Warda na Playa

SPA: Schimmel ta un problema di hopi tempo na Warda na Playa. Click link pa mas https://24ora.tv/2LkuKMm

Posted by 24ora on Friday, July 12, 2019

Despues di reunion cu SPA a reuni cu Leiding, a bay di acuerdo cu awor aki patruyanan ta cuminsa bay sali for di Noord. E otro polisnan cu ta haci administracion, ta keda pa cera e luga y despues pa atardi tur cos mester ta afo, cu Total Cleaning por haci su trabaonan pa saca e holo.