Sosten humanitario nobo pa Aruba, Corsou y Sint Maarten

910

Habitantenan di Aruba, Corsou y Sint Maarten por conta e lunanan benidero tambe cu sosten di Gobierno Hulandes, asina a keda dicidi awe den Conseho di Minister, riba proposicion di Secretario di Estado Knops di Asuntonan Interno y Relacionnan di Reino.

Den e tres paisnan aki ayudo di cuminda ainda ta hopi necesario.

Secretario di Estado Knops: “Den e lunanan tras di lomba mi a haci un bishita na Cruz Cora na Aruba, Corsou y Sint Maarten. Mi a papia cu habitantenan den Reino cu diariamente tin mester di ayudo di e organisacionnan aki pa por sobrevivi. Gobierno semper a duna di conoce cu lo no laga hustamente e grupo di hende vulnerabel aki pa nan cuenta.” Gobierno Hulandes ta haya hopi importante cu ta sostene e gruponan vulnerabel aki na Aruba, Corsou y Sint Maarten. Na Corsou na e momentonan aki mas of menos 15% di e poblacion ta depende di ayudo di cuminda cu Hulanda ta pone na disposicion y na Aruba y Sint Maarten mas of menos 20% di e poblacion. Na e momentonan aki ta asumi cu e cantidad di esnan cu mester di ayudo lo keda en todo caso igual te zomer. Cu e 14,9 miyon euro aki ta garantisa e ayudo humanitario pa e tres paisnan te cu por lo menos april. Na maart gabinete ta dicidi tocante di prolongacion mas aleu.

Donacion

E tres paisnan aki den Reino a keda afecta pisa humanitariamente y economicamente pa motibo di e crisis di corona. E paisnan ta depende fuertemente di turismo, pero e sector aki ainda tin enorme dificultad pa motibo di e virus COVID-19. Cruz Cora ta coordina e ayudo humanitario aki. E lunanan benidero ta bay traha hunto cu e paisnan riba traspaso di programa di ayudo di cuminda, caminda ta schuif e responsbilidad di Cruz Cora pa gobierno local. Ta duna e 14,9 miyon euro aki como donacion.