Djabièrnè 18 di ougústús 2017, polis a hana notifikashon di Hospital ku alrededor di 23.30or, dòkter a konstatá morto di e di tres(3) víktima di e aksidente di outo ku a tuma lugá djabièrnè den oranan di marduga na Kaminda Mitologia. Ta trata di un hòmber nasé na Venezuela.
Na momento ku notifiká famianan lo publiká su identidat.
Riba òrdu di Fiskal di Ministerio Públiko a konfiská e kurpa sin bida diasabra 19 ougústús alrededor di 00.04 or pa mas investigashon.
