Awe mainta trempan recherchenan di Atraco Team a haci un entrada hudicial den un cas situa na Olijfistraat den Dakota. Ey a detene JS naci na Republica Dominicana di 28 aña di edad. Ta sospecha cu e lo a atraca Get Rich Lottery panort di Topcar algun siman pasa.

E detencion a bay un poco fastioso, debi cu e sospechoso y esunnan na e cas lo no tabata mucho cooperativo. Mesora a pidi Transportwagen pura pa move e sospechoso y baha e tension na e sitio.

A pidi presencia di BFTO (Departamento Forensico di Polis) pa rista den autonan staciona na e adres. Tambe a confisca un vehiculo cu posiblemente lo por ta envolvi den e investigacion relaciona di e atraco arma riba e oficina di catochi.

Comments

comments