Awe pa mas o menos 1:30am, e sospechoso di a asesina e victima Juraima Wouter, esta su compañero di bida J. Alexander Ras a entrega su mes na Warda di Polis. Ey a detene mesora pendiente e investigacion penal cu a cuminsa contra dje, pa e posibel asesinato pasional ayeratardi laat den Awacatistraat na Dakota.
Polisnan a start un buskeda pisa den Dakota despues di e asesinato. A scucha diferente testigo pa por purba haya sa kico por a pasa entre e pareha aki cu a conduci cu e homber a saca un cuchiu of otro obheto skerpi y hinca su pareha cune mortalmente. Den auto particular a hiba e victima pa Spoed Eisende Hulp na Hospital, pero ey no por a haci mucho mas pe, cu constata su morto.
E homber awor lo mester contesta preguntanan di Recherchenan encarga cu investigacion di e asesinato aki. Te awor e ta e unico sospechoso envolvi y encarcela pendiente e investigacion andando.
