Sospechoso den vecindario di Carnival Village … Victima a reconoce su pañanan horta

Diamars mainta un persona a tuma contacto cu polis pa bin yude cu un persona cu e ta sospecha di a horta su pañanan.

El a informa di tabata tin e persona wanta, pero na momento cu polis a presenta na sitio e ladron a logra core bay caba.
Esaki a sosode dilanti Carnival Village San Nicolas. Patruya a core rond den e area pero no a localisa e sospechoso. E victima ta conta di a reconoce su pañanan riba e sospechoso, el a bay confront’e pero el a logra core bay.

Por a tuma nota tambe cu polis a tuma declaracion di un bisiña tambe cu a indica cu algun dia pasa a horta na e cas, cu el a constata e victima ta discuti cu e sospechoso di a horta su pañanan y cu algun di e pañanan cu a horta el ta bendenan na prijs di baca flaco y cu tin algun hende supuestamente lo ta cumprando nan.

Tur informacion ta den man di polis.