Tabata alrededor di 2.30am caminda cu a bati alarma pa un chauffeur poco cansa posiblemente bebi na altura di Postkantoor na Playa. Personanan preocupa ey bou cu a mira e situacion, a dicidi di yama autoridad concerni.
Polis a bin topa cu e auto net dilanti di Misa di Playa. E chauffeur a ranca varios obheto riba caminda. E parti dilanti di e auto a ricibi basta daño material. E chauffeur a admiti na Polis: “mi a bebe y mi a pega soño tras di stuur”. E test di alcohol a cuadra cu locual el a bisa. A detene y transport’e pa Warda.
