E prome evento di carnaval 2020, e Parada di Flambeu, a ranca sala ayeranochi pa 8:05pm. Pa 12:45am e cabes di parada a yega ex-DOW y pa 2:33am e ultimo grupo a yega final, cu ta despues di e tempo stipula pa Polis. Cuerpo Policial tabatin no menos cu 125 Polis riba pia pa por garantisa orden publico.
Polis a informa cu e aña aki e detencionnan a baha drasticamente. Tabatin solamente 5 detencion pa buracheria, bringamento y tambe posesion di droga. Aña pasa e parada di flambeu a conta cu 11 detencion! Polis a bisa di ta contento cu e resultado.
