Manera priminti, SOGA lo a mantene comunidad di Aruba informa tocante e situacion pa loke t’e proyecto di Expansion y Renobacion di Dr. Horacio Oduber Hospital (HOH).
Despues di nan ultimo comunicado di prensa 3 di maart, SOGA y e contratista general OHLA a sinta na mesa y a yega na palabracion cu e partidonan no lo sigui cu otro mas y lo termina e contrato. E decision aki tabata uno mutuo y a yega na un manera amical.
Den cuadro di esaki tambe a wordo palabra cu e sub-contratistanan por traha directamente cu SOGA, cualnan t’e contratistanan local. SOGA a cuminsa cu e preparacionnan necesario y a acerca e contratistanan local pa sinta na mesa y yega na palabracion pa nan caba cu e ultimo parti cu falta di e construccion lo mas pronto posibel. Esey lo encera tambe cu SOGA lo mester evalua y posiblemente consulta cu su Stakeholdernan pa despues otorga e trabou n’e contratistanan local.
SOGA tin e confiansa cu dentro di algun siman lo por keda cla cu e contratistanan local y cu e trabou pendiente na HOH lo por reanuda lo mas pronto cu ta posibel.
