Soccer Institute Aruba (SIA) recientemente a organisa pa di dos biaha un voetbal clinic di dos
dia, conhuntamente cu ex-hungador professional Robin Nelisse, conosi di Feyenoord, SC
Cambuur, AZ, FC Utrecht y Red Bull Salzburg. E clinic a tuma lugar dia 4 y 5 di Oktober di 9or pa 11or di mainta na Compleho Deportivo Frans Figaroa.
Na prome lugar, Soccer Institute Aruba (SIA) kier a gradici tur su sponsornan cu a sa di aporta na e fundación y na e clinic en especial. Sin nan aporte e clinic lo no tawata posibel.
Na e main sponsor Marriott, DOC-opleidingen, Aruba Marriott Care Foundation, VNO, Mediq,
Shoco Snack, Interprint, PicoBello,Cavalier y Carvel, un danki di curason!
Durante e clinic muchnan a goza di dos ora di voetbaltraining di trainernan experiencia. E trainernan a comparti nan experiencia y conosemento di futbol cu tur e muchanan na un nivel professional, siguramente tambe danki en parti door di presencia di Robin Nelisse. Robin Nelisse, cu a yega di hunga profesionalmente pa e conosido club Hulandes Feyenoord, por sierto tin un tata Arubiano y ta sinti un laso cu Aruba pa e motibo ey, awor ta jeugdtrainer di FC Feyenoord. E dianan a wordo varia cu training y actividadnan di voetbal caminda un experiencia placentero tabata central! E clinic tabata pa muchanan entre 4 cu 14 aña, y muchanan cu no tabata miembro actualmente di SIA tambe tabata bon bini na e voetbalclinic aki.
Asina siguramente por a conta un 110 mucha cu a atende e clinic aki durante nan herfstvakantie. Soccer Institute Aruba (SIA) ta enfoca riba profesionalismo y calidad. Esey kiermen cu nos ta percura pa tin guia apropia pa e muchanan. Banda di un trainer general, semper lo tin un of mas trainer disponibel cu atenshon personal y individual pa cada mucha cu mester di esaki. Apesar di
e guia apropia tambe nos meta ta pa ofrese continuamente trainingnan inovativo y educacional. Pa mas informacion por tuma contaco cu [email protected] of yama 593-8836/ 747-0259.
