Soca Tots ta un programa di desaroyo general pa mucha for di 6 luna te cu cinco aña, cual despues nan por stroom door den un otro programa, cual ta un academia di futbol, etc.
Na Aruba, Boneiro y Corsou, ta cumins’e na 2 aña Segun Steve Escalona, fundador di Soca Tots Aruba, nan tin e frankisia di Boneiro y Corsou. Na Boneiro nan a habri na principio di Mei y na Corsou nan lo habri na Augustus.
Soca Tots Aruba: Un concepto nobo cu por bond e mayor cu su yiu
Soca Tots Aruba: Un concepto nobo cu por bond e mayor cu su yiu. Click link pa mas https://24ora.tv/2ERk8Qb
Posted by 24ora on Monday, June 3, 2019
Tecnicanan
Segun Escalona, for di cuminsamento nan ta bay riba e basiconan. Ta basa hopi riba e movecionna motorico di e muchanan. Nan ta uza futbol como medio, pero ta un parti chikito. E ta mas un desaroyo social pa e muchanan, e tecnicanan di movecion di nan pa nan conoce nan pia drechi y pia robes.Tambe pa nan bay om cu otro mucha, pa nan tin e confiansa pa subi. Nan ta haci hopi tarea dilanti full e grupo. For di chikito caba nan ta siña ta dilanti di un grupo, pa presenta y si despues si nan bay haci un spreekbeurt den klas, nan tin e custumber caba di haci esey. E ta full un programa di desaroyo, Escalona a remarca.
Mayornan
E mayornan ta hopi importante den e programa aki. Tur les e mayor of un guia mester tey presente pa e muchanan sinti nan mes comodo tambe. Pero esey ta full e concepto tambe. E mayornan ta activamente bezig. Tin biaha bo ta mira e mayornan ta core, nan ta soda mas cu e muchanan. Ta full algo. E ta un bonding time tambe entre mayor y yiu. Escalona a mustra cu actualmente hopi mayor ta traha largo y di baina nan tin tempo pa e muchanan. Esaki ta un concepto unda cu ta bond nan un biaha mas cu otro. Nan ta brasa otro, nan ta hunga cu otro, hari cu otro y ta un punto importante di e concepto aki.
Duracion
E programa continuo. Si nan cuminsa di 2, e ta keda bay te 5, unda cu nan ta sigui desaroya. Mas y mas nan ta desaroya, mas nan ta adapta mas cos e ora. E ta full un programa di desaroyo. E no ta un evento. E ta un biaha pa siman riba diasabra of diadomingo. E ta dura full aña. Naturalmente tin vakantie mientras tanto, pero ta tur fin di siman caminda e mayornan ta bond cu e yiu y e yiu ta desaroya su mes.
Programa
E programa aki a cumins’e hunto cu David Abdul. Escalona mes conoce tipo di concepto aki na Hulanda. Na cuminsamento e tabata tiki fastioso, pasobra ta trata muchanan chikito. Pero a bay na e programa y a gusta e concepto. E ora a bin Aruba na October pa un luna mas of menos y a haci algun investigacion riba su mes. Asina el a tene contacto cu David Abdul, unda cu el a sinta papia, kende tabata tin e mesun pensamento cu Escalona. A base di esey a team up y pesey nan ta traha hunto tambe. A base di David Abdul, kende tambe ta headcoach, tin Mauricio Escalona, kende tambe ta yuda y Rick Engelbrecht, kende ta un di e guianan.
Afilia
E programa Soca Tots no tin ningun cooperacion cu ABV. Tur cos ta riba nan mes. Ta creciendo awor aki. Nan tabata tin proefles y ta hayando inscripcion tras di otro. E ta bayendo den un bon direccion. Pero tin mester mas ayudo di tur banda. Na final, ta haci’e pa e muchanan, segun Escalona. No ta haci’e pa nan mes. Ta mira cu e programa aki tin mas di haber cu futbol so.
Contacto
Pa mas informacion por bay riba nan pagina di Facebook, cual ta Soca Tots Aruba of tambe por email na [email protected].
