SNBA ta lamenta poco interes pa e Community Gathering

Diahuebs a tuma luga un otro Community Gathering na Teresita Center na San Nicolas. Andres Hernandez, presidente di San Nicolas Business Association, a splica cu tabatin hopi informacion nobo suministra na e publico. E reunion mester a caba 9’or, pero e publico a keda cu nan preguntanan, di manera cu e encuentro a caba rond di 10’or di anochi.

Sin embargo un poco desanima di su parti pasobra e no a wak loke a spera cu e personanan cu a spera, cu tabata tin riba e dia aki, pa por tuma e informacion aki participa.

 

A spera hopi mas hende loke a haya. No ta bisa cu e tabata malo, sinembargo a pensa cu e interes general pa loke ta pasa p’ariba di brug, specialmente pa San Nicolas y pa tur e otro sectornan cu tin di haber cu comercio.

Minister Chris Romero a haci un presentacion na e publico presente.

A spera cu tabata tin hopi mas hende interesa pa sa kico ta sosodiendo. E ora ta bin e situacion. Un parti no ta haciendo nada, y e otro parti ora cu haci, no ta interesa. Ta con ta keda e ora, Hernandez a enfatisa.

Algo fiho pa San Nicolas

Hernandez a splica di e metanan a largo plazo y corto plazo. Tambe a papia riba fast Ferry cu ta spera di ta concreto pa mas mey mey di aña. Esaki ta un midterm goal. Personanan a conoce area cu ta un grupo profesional di gobierno cu ta actuando pro-San Nicolas. Pa loke ta e personanan cu a participa durante e reunion, a cera conoci cu p’ariba di brug su plataforma, cual ta cuminsando na bira e union di tur organisacion di p’ariba di brug, cu a wordo pusha y cuminsa pa SNBA.

Asina ta, finalmente tin un tiki di ayudo, segun Hernandez. Tin mas hende pensando riba San Nicolas si y buscando e partinan positivo, tapando e partinan negativo, of cambiando pa cosnan positivo.

Ta algo si positivo di e anochi aki. Sin embargo mas, mester tin hopi mas interes di nos mesun pueblo pa por mehora bo mesun luga unda cu bo ta biba.

Andres Hernandez, Presidente di San Nicolas Business Association

FCCA

Maria Christina Lacle ta representante di FCCA durante di e townhall meeting aki. El a splica cu loke a trece p’adilanti cu ta hopi bon y a haya hopi informacion cu e no tabata tin.

E unico cos cu ta haya jammer cu mas hende por a bin. Pero toch e reunion tabata hopi bon y e hendenan a participa bon cu nan preguntanan.

Pa loke ta e fast ferry, Lacle ta splica cu awor aki ta bezig ta con e ferry lo bin, tur detaye cu tin cu check pa wak con e ta bay y cu e lo por dura un aña y mey. Tur cos cu por trece e economia p’ariba, ta bon y tur hende mester traha hunto positivamente.

Dennis Aventurin ta un habitante di San Nicolas y e ta conta cu e ta impresiona pa loke ta Fast Ferry, sin embargo e tin pregunta riba esaki. Tur loke e sa ta e costo di esaki. Ta bunita pa bin cu un Ferry, pero kico ta e costo y tambe kico ta e input di e comunidad di Aruba y cuanto e terminal di e ferry lo costa.

Si lo bay haci esaki den un partnership, un caminda Aruba mester duna su input. Esey no a wordo bisa.

E otro parti informativo di SNBA, cual ta un bon iniciativa. Sin embargo si San Nicolas haya e oportunidad, pa por opera oranan di negoshi te cu 11’or di anochi, lo ta un bon anochi. Esey lo por sostene e negoshinan na San Nicolas y permiti e personanan cu no por haci nan compras durante dia, cu si por haci’e anochi. Esey lo ta un bon iniciativa.

Mayoria di e problemanan cu tin na San Nicolas, ta cu mayoria di e doñonan di edificio, ta huur nan demasiado halto. E costo di huur ta imposibel pa cualkier negoshi pa por tin ganashi, si kier sostene su negoshi. Si por haya un cooperacion entre e comerciante y esnan cu ta huur edificio y tin un situacion sostenibel caminda cu tin un cooperacion, San Nicolas por bin bek riba pia economicamente.

 

https://www.facebook.com/24ora/videos/1093851850795234/
https://www.facebook.com/24ora/videos/846350142423616/