Smart Systems tin Thermal Camera pa midi temperatura di empleado y cliente nan

997

Smart Systems un compania renombra localmente pa nan systema di seguridad, tin e tecnologia necesario pa companianan funciona debidamente den e normal nobo. Entro otro productonan, nan ta presenta awe e “Thermal Camera” cu ta detecta temperatura corporal di e ser humano. Asina un persona cu keintura para su dilanti e ta manda un alarma.

Un “Thermal Camera” ta diferente cu un “handtool” paso no mester un persona (empleado) fisico pa midi e temperatura paso e camera ta midi e temperatura automaticamente. Un otro diferencia ta e distancia rekeri pa por midi temperatura. Un “handtool” ta rekeri cu un persona mester para serka di e otro persona pa midi temperatura cu ta contra e exsigensia stipula di un distancia di minimo di 1.5 meter entre persona nan.

Smart Systems tin Thermal Camera pa midi temperatura di empleado y cliente nan

Smart Systems tin Thermal Camera pa midi temperatura di empleado y cliente nan. Click link pa mas https://24ora.news/2BnHLRV

Posted by 24ora on Monday, June 29, 2020

A cambio e “Thermal Camera” no ta rekeri asistencia fisico di un hende. E persona ta para riba un punto na suela cu ta indica e distancia cu e persona mester para pa e camera por midi e temperatura.
Pa evita “false reading” di e camera como cu nos ta biba den un clima calor cu solo fuerte cu ta hisa e temperatura, ta laga e persona cana un tiki distancia ora e drenta e establecimento prome cu para riba e punto pa check su temperatura. Tin camera pa midi un persona so, pero Smart Systems tin systema di “thermal camera” cu por midi diferente persona cu ta drenta na mesun momento na establecimiento nan cu ta mas druk.

Esaki ta forma parti di e normal nobo y ta pone ciudadano nan sinti nan mes mas comfortabel den comparacion cu ora nan temperatura wordo midi door di un persona cu un “handtool”.

Smart Systems ta situa na Paradera y por jama 588-4259 pa mas informacion. Of bishita nan facebook page https://www.facebook.com/Smart-Systems-Aruba-458882517635714/