Un parti hopi importante pa cu seguridad durante nos Carnaval ta e kuering di tur vehiculo cu ta den e paradanan.
Pa es motibo aki, SMAC ta tuma e oportunidad aki, pa informa cada un persona, instancia, banda y grupo pa hasi lo maximo pa keur loke ta necesario, segun norma y regla nan stipula pa DTI. Aki ta sigi e informacion ricibi door di DTI
Tur auto, UTV, ATV, truck, chasis, trekkers y opleggers mester wordo gekeurt. Trailer nan self-made y carosanan no ta wordo gekeurt door di DTI, sino door di KPA. Pa e parti aki por jama y traha un afspraak cu Departamento di Trafico.
Pa loke ta fecha pa keuring, den luna di November y December 2019, di dialuna pa diabierna, entre 11:00 – 11:30AM lo habri espacio pa keur vehiculonan di Carnaval. Por pasa na balie y lo haña e servicio pa asina aki keur bo vehiculo. Diasabra 7 December 2019, entre 8:00AM – 12:00PM, DTI ta disponibel specialmente pa keur vehiculonan di Carnaval. Ta hasi enfasis pa hasi uso di e orario y fechanan menciona pa segura cu tur cos ta gekeurt pa Fakkel, asina aki ta evita cualkier problema e anochi di e prome parada.
Tambe DTI ta informa cu desde 20 December 2019 nan lo sera nan oficina oficialmente y lo habri bek te dia 6 januair 2020. Pa es motibo aki ta informa na ora, y ta hasi e apelacion na cada un, pa tene bon cuenta cu e informacion aki Di parti di SMAC, nos tambe ta hasi e apelacion na tur concerni, pa hasi uso di e oportunidad nan menciona door di DTI, pa segura cu tur cos ta na ordo pa Fakkel Optocht.
