Stellaris Casino a lansa 6 slot machine nobo di IGT cu ta 3 Star Rise y 3 Wild Fury. E mashinnan aki ta specialmente p’e hungadonan di slot machine. Stellaris Casino ta e unico casino na Aruba y den Caribe pa tin e slot machinenan aki. Prensa presente a haya oportunidad pa test e mashinnan y a keda encanta cu nan.
Slot machine di IGT tin e forma di curve y esaki ta haci cu su aspecto ta diferente cu e otro slot machines. E Star Rise ta diferente di tur otro mashin pa motibo cu e tin 3 progresivo, asina Thaina Maduro, ehecutivo di mercadeo di Stellaris Casino, a expresa. E slot machine ta curve y e pantaya ta mas grandi p’e hungadonan di slot machine, pero tin 3 progresivo cu ta subi na momento cu e hungado hisa su bet mas.
Mayoria di e slot machine cu tin den e casino ta cuminsa cu un bet di 1ct. E Star Rise ta cuminsa cu un bet di minimo 1ct y esaki ta depende di cuanto lines e hungado kier bay bet pa hunga. Mas un hungado subi su bet, mas e progresivo ta bira y tur esaki ta depende kico e slot player ta bet.
E slot machine Wild Fury tambe ta un curve machine y ta di e compania IGT. Aunke cu nan tin e mesun aspecto y ta di e mesun compania, tin diferencia entre e Wild Fury y Star Rise. E slot machine di Wild Fury e slot player por cambia e bet di 1ct pa 2ct of 5ct. Manera e Star Rise, mas un hende bet mas e jackpot di e Wild Fury ta bira. E “bonus feature” di e mashinnan “Star Rise y Wild Fury” ta garantisa cu lo gana un di e premionan progresivo.
Aruba Marriott Resort & Stellaris Casino a habri na aña 1995 y ta e casino mas grandi riba nos isla. E ta conta cu mas di 160 empleado, cu ta maneha 24 wega di mesa y mas di 400 slot machines. E weganan mas popular riba mesa ta Craps, Black Jack, Three Card Poker y Roulette, mientras cu e mashinnan mas uza ta esunnan di e sistema 3D y e “mystery Progressive Jackpots”. Stellaris Casino tin Bingo tur diahuebs, diasabra y diadomingo pa 12:00pm, cu 5 Progressivo inclui completamente gratis. E casino ta habri 24 ora pa dia pa weganan di mashin mientras cu weganan di mesa ta cuminsa pa 2:00pm te cu 4:00am.
