Diaranson mainta a tuma luga un confrontacion entre chauffeurnan di autobus na e area banda di parada grandi di Arubus.
Manera ta conoci, eynan tin un parada chikito pa autobus, pero ta parce cu e grupo eynan no ta permiti of laga e otro autobusnan para eynan. Hamber pa placa, placa ta diablo,” tabata un di e comentarionan por a scucha den aire.
E tabata parce un confrontacion entre dos chauffeur di bus y e grupo cu ta core ruta di San Nicolas y Santa Cruz.
Hasta Polis a yega na e sitio y por a nota un funcionario cu boto a dicidi di bay papia cu un un di e voceronan pa mira of scucha kico ta e problema. El a splica cu Polisnan cu Gobierno no tin atencion pa nan problemanan. Pa dos aña caba Minister tin nan puntonan di preocupacion. Pero ta parce cu tin un diferencia cu cierto cos ta cay bou di Minister Xiomara Ruiz Maduro y otro bou di Minister Romero.
E problema ta un diferencia di opinion unda cu e autobusnan chikito cu ta core Noord ta tuma pasaheronan di San Nicolas cu ta bay hotel. Wel, awo e chauffeurnan di San Nicolas a bisa cu nan lo hiba nan pasaheronan te hotel. Un biramento di lomba entre Ministernan y departamento concerni cu a finalisa den un tangana cu golpi a cay.
