Sra. Minister Alcalá-Wallé a bai tuma nota di e situashon na skol M.C. Piar, despues ku diferente mayor preokupa a tuma kontakto kune.
Mayornan prekupa, a yame biseskol ta será i ku skol ta manda alumnonan kas bèk tras di e hèki di tralie. Esaki ta kontra di LMA i lei di enseñansa obligatorio. Sra. Minister Alcalá-Wallé a duna mandato pa tur skol funkshoná normal durante dianan di wèlga. Hopi mayor i shofùr preokupá i ku man na kabes pa e asunto aki.
Minister Alcalá-Wallé a bai djaweps pa tuma nota di e situashon.Kabes di skol, sra. I. B. a disidí ku e ta keda sin bini djaweps paso e ta solidario ku e welga. Sin ku esaki a wòrdu di mèldu na Dienst Openbare Scholen (DOS). Djaweps último tabatin solamente 2 maestro i 2 alumno presente na e skol. Tabata tin shofùr di bùs ku a rabia masha pisa pa e asunto aki.Tin ku a bisa mayornan pa nan mes bin bùs ka nan yu bèk i ku e no ta bini awe djabierne tampoko. E muchanan a haña miedu di e shofùr i nan keda para pa nan kuenta dilanti skol. Esaki ta konta derechonan di mucha.
Djabierne mainta for di 7or am sra. Minister Alcalá-Wallé bolbe bai e skol i haña skol duru será. Tabatin 3 mucha para dilanti skol sin por drenta. E kabes di skol a yega 7.13am pa habri skol. Diferente mayor a yega promé i bai bèk ku nan yunan. Despues di esaki algun maestro a kana drenta, asta despues di 7.30am. En total tabatin mas o menos 11 alumno i 4 maestro. Diferente mayor i shofùr den inseguridattabata aserka sra. Minister pará na entrada di skol pa puntra sra. Minister si skol ta habri. Esaki ta un asunto di lamenta.
Na momento ku Minister ku su funkshonarionan a drenta paden pa tuma nota di e situashon, tabatin 1 lokal di klas habri i sobra skol tabata será. Sra. Minister a hiba kombersashon ku e direktor athunto di e skol, paso e kabes di skol sra. I. B. a drenta su outo, sende su èrko i sinta lesa korant na logá di asumi su resposnsabilidat komo kabes di skol.
E direktor athunto a duna di konose ku e tambe ta solidario na e welga i pa e motibu aki a disidi riba su mes di no bin skol djaweps i tampoko no ta na altura ku pará tras di tralie a manda e muchanan kas bèk.
Minister Alcalá-Wallé a pone SITEK, Inspectie Onderwijs, i Konseho di Minister na altura di e stiuashon aki i lo tuma medidanan nesesario pa garantisá ku e muchanan di e skol speshal aki no wòrdu mas perhudiká pa un welga ku no tin di haber ku enseñansa.
Lo atendé ku e konsuekensianan pa e skol, transporte di skol, e forma kon a atende ku e mayornan, e muchanan su tempu di siña efektivo, e forma ku e alumnonan ta mira e maestronan, e intimidashon ku e alumnonnan a eksperensiá serka sigur un shofùr i kon e shofùr a atendé ku e situashon, kon a atende ku enseñansa obligatorio, kon e maestronan a atendé òf juist keda sin atendé ku nan doño di trabou dor di laga mayornan keda yama i reklamá kon ta kore ku nan yunan stimá for di skol (pasombra e muchanan ta speshal? nan no tin sintimentu? nan no tin derechi?)
Dikon mester a warda pa mayornan bin dal un gritu di ousilio serka sra. Minister?
Preguntanan klave ta: berdaderamente nos tei pa nos muchanan i ta asumí nos responsabilidat? Ta nos ta ehèmpel pa nos muchanan? Realmente nos ta balorá nos muchanan i ta hasi nos trabou ku amor?
Minister Alcalá-Wallé su empeño ta pa nos kada un tene kuenta ku derechonan di mucha i trata nos muchanan ku respèt i segun LMA i lei di enseñansa.
