SKOA tabata tin reunion cu werksternan, cual a bay uno bon. Tabata un reunion cu a sinta na prome instante cu e cabesantenan pa splica nan di e situacion of cambio cu ta bay introduci. Despues di esaki a sinta cu e werksternan pa splica nan kico lo ta e siguiente procedura pa loke ta e siguiente paso di loke e minister a trece dilanti den su rueda di prensa, unda el a bisa cu SKOA en realidad a actua contra ley, segun directora di SKOA, Anoushka Baly.
SKOA tin un MB di 2015, caminda cu tur e werksternan a haya e beneficionan secundario, cual pa SKOA tabata den e caso aki, mescos cu tur otro fundacion.
Preocupacion
E preocupacion di e werksternan mas grandi tabata cu nan lo perde nan trabao. Esaki ta un di e cosnan cu a pone bon cla y e minister a menciona esaki tambe, cu nan no ta perde nan trabao.
Pero loke si a pone cla, ta e siguiente pasonan cu lo tuma. A ricibi e carta di minister dia 19 di december 2019, caminda cu el a informa SKOA di locual en principio e werksternan ta wordo paga awor aki bao di personeelskosten. E kier a pone nan bao di exploitatiekosten.
Manera menciona, den 2015, tabata tin un MB caminda cu esaki a cambia.
Di esaki e minister ta na altura y a desea pa camia esaki. SKOA a manda un pro forma na januari, caminda cu a bisa cu ta entrega un obhecion riba e decision aki. E siguiente paso cu lo tuma ta entrega un obhecion riba pakico ta haya como SKOA cu nan no ta di acuerdo cu e cambio aki con e werksternan lo ta paga den futuro.
SKOA no tin autorisacion pa tuma contacto cu Directie Financien of Directie Onderwijszaken. Nan ta traha den sentido aki, ta manda e informacion na Directie Onderwijs y na nan turno ta mande Financien. Nan ta paga e empleadonan di SKOA. Cualkier fundacion no por yama Directie Financien pa paga nan tanto placa.
Ohala cu tabata algo asina, e ora sigur nan lo ta haciendo algo contra ley. A cana tur paso. Un MB a wordo firma pa ex minister Hooyboer-Winklaar. Esaki ta un continuacion di loke a firma. Asina e mester bay.
Di parti di SKOA nan a cumpli cu loke nan a haya como mandato di minister di enseñansa anterior.
Cuanto
Ta trata aki di rond di 100 werkster. Minister tambe a menciona cu ta trata di hopi werkster. Sinembargo tin cu tene na cuenta di 46 scol, cu ta casi 600 local. Por imagina cu tin werkster pa haci tur e localidad aki limpi. Tin 100 werkster cu tin scolnan cu ta grandi tin 3 werkster.
Si ta un kleuterschool chikito ta 2 werkster y den casonan asina no tin invalster. Den e grupo caminda cu e personanan ta malo, sea e cabesante ta haci locual cu tin cu haci of hasta ta busca un otro hende cu ta den e mesun bario di scol pa yuda
No ta cuestion cu tin un overtolligheid groep cu ta trahando. 100 werkster ta hopi pa e tantisimo scolnan cu tin E trabao no ta uno facil tampoco. E ta un trabao cu si tin un werkster cu tin cu haci 6 of 7 kantoor y local limpi den tanto ora, esey normalmente ta bisa cu hasta ta pone dos hende.
Den e caso aki ta papiando di scolnan cu tin uno maximo te cu cuater werkster, depende con grandi e scol ta.
Status di e werksternan
Pa SKOA e status ta keda igual cu locual e ta awor aki. E abogado di SKOA tabata presente durante e reunion. A sinta tambe cu sindicato TOPA pa calma e werksternan cu nada no lo cambia. SKOA ta bay sigui pa wak kico ta bay haci siguientemente, spera cu no mester bay dilanti di hues pa dicidi esaki.
Ya caba ta un decision cu a wordo tuma for di 2015. Awor aki nos ta na 2020 y pa bin cambia esaki ta un tiki straño. Segun SKOA cu e ta keda asina aki. Manera cu e minister a bisa, si mester bay dilanti di hues, lo bay dilanti hues y lo wak kico cu hues lo dicidi e momento ey.
