Situacion birando mas serio: Rijksministerraad lo no trata fiansa pa Aruba e siman aki

4785

“Esaki no ta un bon noticia”, asina un fuente cerca di e negosacionnan a bisa nos awe mainta, despues cu a bira conoci cu Rijksministerraad a informa cu e tema di Aruba (Corsou & St. Maarten tambe) lo no ta riba e agenda di diabierna awo dia 3 di juli 2020. Esey no ta pasobra cu nan lo suavisa e medidanan proponi awo, sino mas birn pasobra ta trahando den intensifica e medidanan. Hulanda kier mira cu e islanan ta bay den austeridad total, di aruba te abou, como condicion pa haya fiansa.

Ki dia e reunion lo sigui no ta conoci, pero ta premira cu e lo ta otro siman mes. Gobierno di Hulanda a menciona un lista di medidanan di austeridad pero un di nan, esun di mas pisa, cu lo bin un ley di Reino pa regla e entidad Hulandes cu lo fia nos placa. Esey den principio no ta problema pero kier condiciona e maneho tambe na e mesun ley di Reino, den cual practicamente e rol di Minister di Finansa ta bira obsoleto.

Entretanto Gobiernonan di Aruba, Corsou y di St. Maarten ta purbando tur forma, sea directamente of indirectamente pa purba convence politiconan Hulandes cu esaki no ta e solucion pa e situacion cu e islanan a haya nan mes aden primordialmente dor di e efecto di Coronavirus.