Diadomingo, 13 di november, 10:00 am tabata un dia super emocionante pa e chikitonan di cas, cu e yegada di Sinterklaas y su pietnan den su barco procedente di Spaña.
Despues di dos aña di un celebracion virtual, e aña aki porfin e chikitonan por a bin disfruta un biaha mas di e festividad aki, cu ta specialmente pa nos muchanan.
Na waf di Aruba Ports Authority (APA), unda cu Minister di Cultura, mr. Xiomara Maduro tabata presente pa asina ricibi Sinterklaas y su Pietnan.
Despues di e acto protocolario, esaki tabata sigui pa un parada, cual tabata algo sigur emocionante p’e muchanan.
E parada a sali for di APA, drenta Harbour Arena, subi L.G. Smith Blvd. dilanti di Wendy’s, cual a termina na Plaza Padu. Riba e plasa tabatin diferente tent di co’i come y co’i bebe.
Tabata tin oportunidad pa saca potret y pa por cuminda tur e muchanan cu ta warda riba Sinterklaas y su Pietnan. Tambe e muchanan por a disfruta di show di baile, dino jump y mucho mas.
Comision Celebracion Dia Nacional tabata encarga cu e actividad aki.
