Sindicatonan Uni: Proximo paso di indexering ta den man di trahadonan

Diaranson den oranan di media pa atardi cinco sindicato cu ta representa empleadonan publico a sinta na mesa cu Minister di Finanza Xiomara Ruiz Maduro riba e tema di indexering y na final a sali pafo man bashi.

“Kico ta bay pasa awo ta keda den man di nos miembronan,” asina e vocero di Sindicatonan Uni, Edward Maduro a bisa na final di e encuentro.Un total 5 sindicato ta participando den e reunionnan aki riba e tema di indexering cu ta masha importante pa nan miembronan, ya cu for di aña pasa caba nan ta sinti cu e poder di compra a bay basta atras. Sindicatonan representa na e reunion tabata: SEPPA; SPA; SADA; TOPA y SIMAR.

 

Sindicatonan Uni: Proximo paso di indexering ta den man di trahadonan

Sindicatonan Uni: Proximo paso di indexering ta den man di trahadonan. Click link pa mas https://24ora.tv/2XclD6I

Posted by 24ora on Thursday, June 27, 2019

A reuni varios biaha cu otro y cu miembronan pa despues dicidi manda un carta pa e mandatario, pidiendo kico ta e posicion di Gobierno riba asunto di indexering. Na mesun momento a pidi pa tin un contesta fiho pa nan riba 26 di juni, cu ta dos dia despues cu a sinta na mesa cu Gobierno riba otro temanan tambe. Diaranson mainta Gobierno a manda yama e sindicatonan pa e reunion den oranan di atardi. Nan a ricibi e carta, cu nan ta bay analisa den propio seno, consulta cu miembronan pa dicidi cual ta e siguiente pasonan cu ta bay tuma.

Maduro a splica cu cifranan cu nan a ricibi for di CBS ta mustra cu den 2018 tabatin 3.6% di inflacion, locual ta nifica un perdida di compra pa e miembrona y pa e motibo aki a cuminsa manda señal pa Gobierno for di algun luna pasa caba cu mester atende cu e tema di indexering. E miembronan ta purba pa haya un contesta di Gobierno pasobra e perdida di poder di compra nan ta sintiendo for di aña pasa caba den nan cartera. Ta yegando fin di juni y ainda nada. Normalmente ta finalisa e negociacionnan aki den luna di maart pa april.

“Miembronan ta desapunta, pasobra no ta yega unda cu kier ta. P’esey awo nos ta bay sinta bek na mesa cu nan pa mira ki accion nan ta bay tuma. Tur cos ta keda den nan man y e decision cu nan tuma, ta bay pone Gobierno na altura di esaki,” Maduro a bisa.

Comments

comments