Sindicatonan ta lamenta cu gobierno no kier sinta mas cu nan

Sindicatonan SADA, SPA, SIMAR y SEPPA ta lamenta e postura cu gobierno a tuma di hala nan un banda y no kier sinta dialoga cu nan mas. Ta pa e motibo aki tambe a yama un rueda di prensa, pa asina no solamente duna nan banda di medaya, sino tambe pa duna un update pa loke ta e rueda di prensa cu a tuma luga dia 15 di april ultimo.

Segun Edward Maduro, cu despues di tabatin un reunion cu gobierno dia 13 di april, Prome Minister Evelyn Wever-Croes a duna un declaracion su siguiente dia cu a causa duda cerca miembro di e sindicatonan. Ta pa e motibo ey, dia 15 di april nan a tene un rueda di prensa pa duna aclaracion di loke e minister a bisa encuanto e cortamento den salario di e ambtenaarnan y tambe a clarifica algun punto mas.

Prome minister ta faya atrobe: Gobierno a rabia y no kier dialoga cu sindicatonan

Posted by 24ora on Thursday, May 6, 2021

Maduro y e demas lidernan sindical, no sa e motibo dicon e reunion aki no a cay na agrado di gobierno.

E ta sigui splica cu prome minister a tuma contacto cu algun di e lidernan sindical, indicando na nan cu a menciona cu tabatin conflicto cu gobierno, cual Maduro ta haya straño.

“No a menciona cu no tabatin ningun conflicto,” Maduro a comenta. Pero cu sintando na mesa pa yega na un solucion riba e cortamento den salario di ambtenaar y tambe riba puntonan manera pensioen y FASE.

E sindicatonan no a sinti cu tabatin un problema y pa e motibo ey mes nan a manda varios mensahe, tanto via Whatsapp como E-mail sin a haya cualkier reaccion di parti di prome minister.

Te despues dia 29 di april a haya reaccion di prome minister, caminda cu ta indica cu gobierno ta lamenta cu a crea un percepcion a crea conflicto. Pa e sindicatonan ta un sorpresa, pero no hopi profesional. Si tabatin conflicto na mesa ta resolve esaki. pa e sindicatonan ta hopi lamentabel. Gobierno no kier sinta mas cu nan y esaki pa nan ta hopi no profesional.

Maduro a splica cu analisando e carta di prome minister, a resalta cu den e mesun e-mail e ta indica cu e no lo sinta cu e cuater sindicatonan, pero si ta sinta cu otro sindicato, pa por yega na un solucion di e ambtenaarnan. No ta husto, ni na su luga cu a base di un percepcion di gobierno ta hala cuater sindicato un banda. E sindicatonan ta lamenta con gobierno a dicidi atende cu esaki. ta purba di haci e trabao como sindicato y semper a haci esaki pa sinta cu gobierno.