Sindicatonan ta dialogando riba formatierapport desde 2012 cu Gobierno

Recientemente tabata tin un reunion entre director di KIA, Departamento di Recurso Humano y sindicato TOPA. Presidente di e sindicato, Rene Bernabela a conta cu nan tabata dialogando riba e formatierapport for di 2012 y te awor aki ainda no por caba cu e formatierapport. E motibo ta cu e tin hopi aspecto tecnico cu mester atende cun’e.

Rene Bernabela, e Presidente di TOPA a recorda cu, recientemente a nombra e director nobo di KIA, kende naturalmente mester di tempo pa e repasa e documentonan, y pone su opinion of pensamento riba esaki. Den cuadro di e tema aki, tabata tin un encuentro caba cu e director y dialuna ultimo tabatin e di dos encuentro pa haya su ponencia y pensamentonan riba e formatierapport.

E parti di formatierapport ta e funcionnan cu tin cu describi. Tin funcionnan cu tabata uza den pasado, ta aparece den e lista di funcionnan nobo. Tin cu ta bay wordo elimina miemntras cu tin funcion ta bira multifuncional. Pues dos funcion ta bay wordo combina y haci door di un solo persona.

Sindicatonan ta dialogando riba formatierapport desde 2012 cu Gobierno

Sindicatonan ta dialogando riba formatierapport desde 2012 cu Gobierno. Click link pa mas https://24ora.tv/2SC4SfQ

Posted by 24ora on Tuesday, July 23, 2019

Awo e otro problema ta ora cu ta bisa, den caso di combinacion di funcionnan, cu e salario ta keda mescos ora cu e tabatin un solo funcion. Esaki ta un descripcion cortico pa loke ta e puntonan tecnico cu mester atende cu nan y cual ta e funcionnan cu ta bay wordo postula aworaki pa cada persona cu ta bay eherce nan, y kico ta bay bira e schalering.

Kico a bay robes

Segun Bernabela, mirando KIA, ta hopi problema a haya cada momento. “Asina cu a solucion un problema, a presenta algun problema mas su tras. Riba dje a nombra un director nobo. Esakinan tur ta keda haci cu tin retraso constantemente pa loke ta e finalisacion di e formatierapport aki. Esaki ta keda tene man di e sindicatonan. Mirando e hecho cu ta bezig cu KIA, ainda ta pendiente pa finalisa e parti di Migracion, tambe CEA. Esaki ta pa duna un idea cuanto formatierapport sindicato TOPA ta bezig cun’e awor aki hunto cu otro sindicatonan.”

Costo

Ta papiando aki di basta miyon florin cu a hinca den esakinan. E ta haya un lastima cu ta bisa atrobe cu no a yega riba e parti pa loke ta e salarisstructuur nobo cu tin cu implementa. Manera tur hende sa, Gobierno kier bay tuma e salarisstructuur nobo cu a introduci na Brandweer pa adapt’e pa tanto e departamentonan di KIA, Imigracion y Cuerpo Especial. Pero no por yega ainda ni na e strucura di salario nobo cu Gobierno kier implementa manera pa e otro departamentonan menciona. E ora e ta puntra cuanto tempo mas sindicatonan mester keda bezig cu e parti di formatierapport pa por bisa finalmente ta yega na e recta final, pa asina caba cun’e.

“Si ta bay pone mas responsabilidad riba e trahado y ta bay lague cu su mesun schalering,  ningun trahado, ningun ambtenaar awendia, lo bay acepta mas responsabilidad, mientras tanto cu nan ta keda wanta of baha den nan schalering.

Si ta bay papia riba promocion, adelanto pa un departamento, e adelanto aki mester encamina conhuntamente riba loke ta e schalering, cu nan tin cu mira den nan trayectoria.

No por ta asina cu caminda cu ta duna nan mas responsabilidad riba nan lomba y ta keda wanta atras den nan salario. Ta pa e motibo aki ta sinta den un constelacion di sindicato, hunto cu DRH y Mministerio di Husticia. Tin cu atende e partinan tecnico aki hunto na mesa,” segun Rene Bernabela.

Comments

comments