Por a mira cu dialuna minister Rocco Tjon a anuncia cu el a keda cla cu 250 Landsbesluit p’e empleadonan di KIA.
Segun Rodney Solognier, presidente di SPA, mayoria di e miembronan tin nan Landsbesluit fout. Tambe nan tin un colega cu a gana un caso di aña 2020, cu mester a haya promocion y te dia di awe e no tin ni un A4 cu su nomber riba dje, corda e Landsbesluit.
Tin yen di cos andando cu te ainda no ta corecto.
SPA ta suplica y pidi pa varios tempo caba, pa hala nan aden. Manera tur hende sa, e cuenta di ziekteverzuim ta un maneho cu nan a bin cu ne, nan a ‘chup’e for di dede’ y ta ehecutand’e contra tur hende inhustamente. Ta gana caso den corte y asina mes no ta respeta locual t’e sentencia di hues.
AO
Den e ultimo temponan aki tin hopi punto riba AO, segun Solognier.
Cansancio ta un di nan. Tin diferente motibo y tambe ta haya un parti cu nan ta disgusta tambe, pasobra nan ta traha, ta priminti nan algo y no ta cumpli cu nan.
Cos no ta move manera debe ser. Segun Solognier, den un organisacion, mas contento bo tin bo empleadonan, mas nan ta produci, mas nan ta duna di nan mes. Si crea un laso cu e empleadonan, nan no lo laga hende na caya.
