Sindicato di Polis preocupa pa investigacion rond di “balanan perdi”

Vice Presidente di Sindicato di Polis Arubano (SPA), Omar de Kort a confirma e noticia di 24ora.com awe, durante e accion di e Polisnan di Warda di Oranjestad. El a bisa cu tin un investigacion andando desde aña 2017 caba relaciona cu e asunto serio aki pero te dia di awe nada mas a bin afo. E sa cu Polisnan ta masha preocupa riba e desaroyo peligroso aki y a hiba e asunto aki te na Altocomisario di Polis caba!

SPA ta masha interesa con a bay cu e investigacion pasobra nan ta na altura cu a laga investiga e asunto. Pero no a tende nada mas, ni cu e compania a paga e mey miyon florin bek na Polis of cu a entrega e balanan cu falta. Locual si ta un hecho awor ta cu a laga cargacion di municion caba, te cu a yega na un punto cu Polis di Aruba mester fia bala di otro entidadnan hudicial, incluyendo den Caribe Hulandes.

Sindicato di Polis preocupa pa investigacion rond di "balanan perdi"

Posted by 24ora on Thursday, July 11, 2019

Omar de Kort a sigura cu despues cu nan reuni cu Altocomisario Andrew Hoo, lo informa comunidad di ki desaroyo mas tin den e asunto aki. Kisas ta bon pa aclaria cu no ta un asunto cu Polisnanta canando cu arma di candela sin municion, sino cu cargacion adicional pa Polisnan nobo cu lo mester subi caya pronto no tin.

Comments

comments