Sindicato di Polis (SPA) hunto cu e otro sindicatonan den union no a drumi riba e 7.6% dje recorte salarial cu falta pa entrega bek. P’esey nan ta pidi pa gobierno di Aruba duna nan bek un parti di e recorte aki y otro aña duna e resto.
Roland Maduro, vice-presidente di SPA, a bisa cu nan no a lubida riba esey. Algun siman atras prome minister Evelyn Wever-Croes a sali den prensa bisando cu el a bay contra boluntad di Hulanda pa duna e 5%. P’e motibo aki ta pidi n’e mandatario pa haci e mesun boluntad ey pa duna e 7.6% cu falta. Al menos p’e luna aki di augustus duna e uitbetaling separatie y gelijkbedrag cu falta dje aña aki.
E ta kere cu e mandatario por haci esey door di bolbe bay contra boluntad di Hulanda. Asina ey otro aña ta keda e resto di vakantie-uitkering. El a subraya cu tin e suplimentaire begroting cu falta y por añadi e 7.6%.
Pa mas lesa TREMPAN.COM.
