Sindicato: Decision politico pa no hedge tin WEB awo den problema serio

675

Tin preocupacion na WEB: E situacion financiero no ta facil y hasta a sali cartanan pa Gobierno. Erick Henriquez, Presidente di Sindicato Independiente WEB Aruba, SIWA, a comenta cu tabatin reunion cu director di WEB, cu a splica cu di berdad carta a sali bisando cu e situacion ta bira hopi mas fastioso, hopi mas pisa, si no bin un aumento di tarifa di awa y coriente. Sindicato SIWA a vocifera bon cla cu nan ta contra e medida ey, cu mester bay riba pueblo. Gerencia a mustra cu esey na ningun momento nan ta faborece.

Si esey no pasa, automaticamente, si yega na un acuerdo, WEB tin cu bay den rood. Eynan tin cu wak e ora pa tene e compania sano, ta cuanto tempo lo bay dura, con leu por bay eynan. Henriquez a splica cu su ponencia di mas grandi ta actualmente, cu a tende hopi Parlamentario papia cu mester bin un reunion tocante e cuenta aki, pero ainda nada no a concretisa. Henriquez ta loco pa bay den sala pa scucha kico ta kico. Eynan ta habri pa pueblo y e ta wardando riba e publico eynan den parlamento, pa mira tur e cartanan riba mesa, pa stop di papia rond. Ta bon pa pone e cartanan riba mesa pa sa bon cla unda nan ta para.

E ta urgente?

E director no tabata completamente cla. E ta keda urgente. Pero cla e no ta. Tin cu wak’e cu mas tempo pasa, ta mas dificil e situacion ta bira. Ta mescos cu ora bo tin un debe, mas luna bo keda sin pag’e, ta mas grandi e suma ta bira. E ora ey paga bek bo tin cu bin bek cu terug werkendekracht.  Ta wardando e proximo reunion cu tin cun’e, unda cu cifranan ta bin riba mesa y claridad ta bin. Esey ta e parti, cu no mester pone cos zomaar riba lomba di pueblo. No ta asina e asunto mester bay.

SIWA ta envolvi den hopi e asuntonan cu ta pasa interno den WEB. A haya algun problema. A haya un heavy fuel oil cu mester a busca un miho calidad cu a subi e prijs. E prijs internacional tambe ta subiendo. Gobierno tambe a pidi dividendo. Segun Erick Henriquez, tin cu mira den e statuto di e director, ta para bon cla cu tin cu mantene un compania sano. E sorto di cosnan asina pasa, ya no ta cumpliendo mas cu e responsabilidad cu bo ta aden, na unda e ora e preguntanan mester bay mas ariba, na Gobierno, na unda cu ta permiti cierto cosnan cu por pasa.

Tin cu bay wak bon paden. Tin proyectonan cu bo no por bisa cu ta nan ta bay yudabo scapa e placa. Con ta bay haci e momento eynan. Tin un situacion di turbina y boilernan hopi anticua. Tin cu bay wak tur e scenarionan. Tin cu bay haci full un herhaling di loke tin cu bin y di loke tin cu bay pa wak unda ta bay wanta e placa. Tin consultantnan cu hopi biaha ta bay eynan. Tin cu tene cuenta tambe cu ta yiu di tera nan ta. E cuchiu ta corta tur caminda cu move. Ta hopi tata di famia tin ta traha den WEB.

Cuanto e tin cu subi

E parti eynan e director no a bay. A bisa berdad e tarifa tin cu subi y cada luna cu pasa, e ta keda subi. Loke tin entendi ta cu WEB tin un buffer. Esey nan tin cu bay cuminsa come di dje. Eynan e tin cu bay para.

Aumento di tarifa

Si subi e tarifa, ta un tiki ta subi’e. Pero mas tarda, ta mas hopi tin cu bay subi’e pa recupera di e golpi ey bek. Ta un decision tin cu bay. Ta para riba, e fout di mas grandi ta, cu ora cu ta e momento oportuno pa hedge, no a hede. Tambe biaha pasa a hedge fout. Ta un cuchiu cu a corta tur dos banda. Imagina cu nos mester paga 30$ pa bari. E ora tur cos ta bon. Ta forsanan politico y tin cu respeta esey. Pero e tin consecuencia riba decisionnan cu tin cu wordo tuma.

SIWA ta flexibel. Si dado momento pa salba e compania, casi sigur ta e lomba di pueblo lo tin cu carg’e. Segun Henriquez ta hopi sigur cu tur e miembronan di e sindicato, coleganan di trabao, ta dispuesto pa yuda den esey. Na final ta nan ta duna e opdracht y tin cu respeta esey. Henriquez ta dispuesto pa papia cu nan pa wak. E ta conta pa full WEB carg’e y no solamente e miembro di sindicato. No por ta un grupo so ta carg’e y e otro grupo ta biba lekker. Ta hunto nan ta den esaki y pa pueblo nan mester por bay cierto milesnan y coopera den e parti ey.

Corta vet

Ta bisa pa bay corta vet. Awo unda ta resta vet pa corta, si a pidi dividendo, si fuel oil, esun caro mester wordo pidi pa alivia un problema cu no ta di aki, ta un otro caminda y tambe, e prijs mes ta subiendo. A busca un miho calidad cu ta mas caro. Unda a resta vet pa corta. Segun Henriquez ta ehercisionan cu mester wordo haci, na unda cu scenarionan mester wordo presenta. Por lo menos gobierno mester tin e scenarionan poni kico ta e cosnan cu por haci pa por mitiga e golpi. Tur mester carg’e. Pero mas tarda, mas pio e ta bira. E no ta bira menos. E gastonan di mas grandi ta keda fuel. Esey ta by far hopi mas grandi cu tur cos. Despues ta e mantencion. Si no tin e fuel, WEB no por draai. Si no haci mantencion, mashinnan ta stop di traha. Despues ta bin salario di e trahadonan. Asina mes cu tur hende entrega nan salario, asina mes WEB ta keda den rood. Mester ta realistico y duna espacio na e gruponan cu ta trahando pa esaki, pero tin cu acepta tambe cu foutnan a wordo haci. Di tur caminda fout a wordo haci. No ta bisa cu ta nan so a haci fout. Tin cu acepta y sigui bay dilanti pa pueblo. Esey ta importante segun Henriquez.

SIWA ta bezig cu un CAO. Henriquez a splica cu semper tin combersacion cu algo bon por sali pa pueblo, despues pa e empresa y despues pa e trahadonan. Semper mester tin espacio pa coopera, trahadonan tin cu compronde esey di un manera of otro. Mester keda realistico. E ta conta pa tur. E no por ta pa un grupo so. CAO tambe ta conta pa nan tur.

Tira awa den biña

Semper SIWA ta dispuesto pa tira awa den biña. Pero mester keda realistico. Esey ta importante. No tin duda cu tin gastonan inecesario den staff. Nan tambe mester coopera. Si tin gasto den e CAOernan, tambe mester duna e granito de arena pa por mantene e gastonan mas abao posibel pa e empresa.

Siguiente reunionnan

Un di e temanan sigur ta aumento. Lo bay drenta den e rondenan di CAO, pues hopi cos lo bin dilanti. Tin cu compronde cu e momento di CAO bukinan mester wordo habri. Eynan ta haya sa clara kico ta pasando.

Mas oido

Ultimo biaha prome minister a bisa cu e no ta mucho interesa den e carta cu a wordo manda. Segun Henriquez, nan ta loco pa haya reunion cu gobierno, pero ta dificil tin ora pa haya nan. Nan ta haci e intento y ta wak e parlamentarionan con por papia cu nan. Pero ta dispuesto pa sinta, pa combersa con ta bay. Na final WEB ta parti di Aruba, Aruba ta parti di WEB y hunto tin cu sali for di e cos aki.