Sindicato a convence Aeropuerto: Lo no kita ningun trahado for di trabao e aña ‘ki

E negociacion tocante pakete cu AAA ta ofreciendo su trahadonan ta continua. Diamars parlamentarionan di un comision a sinta cu gerencia di AAA y diaranson STA a tene un reunion cu AAA, despues cu a pospone e reunion siman pasa.Tin cu bisa cu esaki a resulta bon, mirando cu AAA no lo kita ningun hende for di trabao.

Presidente di STA, Diego de Cuba a splica cu e situacion aki no ta uno nada agradabel, caminda cu tin di trata cu asuntonan cu ta haci dolor. Principalmente asuntonan caminda cu hendenan tin cu bay cas.Locual cu si a papia durante e reunion cu gerencia y gerencia a bay parcialmente di acuerdo cu ne, ta pa pone un periodo di “afkoeling”, for di awo te cu 31 di december, cu no ta kita ningun hende fo’i trabao.

Esey a papia riba dje durante e reunion.Pa e aña aki no lo kita ningun hende for di trabao mas. E ta bay ta un periodo extendi te cu 1 di maart.Awor aki gerencia di aeropuerto lo bay traha riba un protocol caminda partidonan lo tin cu firma pa wak con ta bay traha cu e pida aki.Hecho ta keda cu e reorganisacion mester continua pero no pa bay kita hende durante e temporada di fin di aña. STA a logra convence gerencia pa no kita hende pa awor aki for di trabao.

Sindicato a convence Aeropuerto: Lo no kita ningun trahado for di trabao e aña ‘ki

Sindicato a convence Aeropuerto: Lo no kita ningun trahado for di trabao e aña ‘kiClick link pa mas: https://24ora.news/3618mkA

Posted by 24ora on Wednesday, September 23, 2020

Cu e reorganisacion mester sigui, esaki ta un hecho door cu ta wak cu e cantidad di personal di AAA lamentablemente, apesar cu a conseha no for di awo, pero mas cu cuater aña pasa, pa dal un slowdown riba dje.Tin hopi hende cu a wordo tuma den servicio y awor aki por ripara cu tin demasiado hende trahado.Apesar cu ta compronde cu gerencia a haci esaki cu miras riba Gateway 2030. Awor aki sa cu esey no lo bay continua den e mesun speed cu e mester a continua.

Cu e lo sigui, esey de Cuba ta kere cu si pero den un fase hopi mas lento.Awor aki locual cu a dicidi cu ta pone un afkoelings periode, for di awo te cu 31 di december y cu lo sigui cu e plannan pa un reorganisacion den luna di januari y cu lo e mester drenta na vigor probablemente pa dia 1 di maart.

Pero esaki logicamente e tin su prijskaartje, pero esey ta loke cu AAA ta bay traha un documento, un protocol riba dje pa sinta un biaha mas pa papia riba dje, wak si por yega na un consensus, hunto cu Mediador di Gobierno.Diahuebs mainta pa 10’or lo continua cu e reunion aki, cual tin cu bisa toch cu el a bay den un bon ambiente. A bisa durante e reunion cu ta para tras di e decision di minister, cu a haci un apelacion tambe na board riba esey.

A compronde cu diamars, e parlamentarionan tambe a haci un apelacion riba gerencia di AAA riba e pida eynan. Pa e aña aki no kita ningun hende mas fo’i trabao. E mensahe a yega y gerencia a compronde tambe.