Ta parce cu Sindicato di Bombero Aruba (SINBA) no ta comparti e pensamento di demas sindicatonan cu ta luchando pa pago di indexering di empleadonan publico. Esaki ta deduci di e declaracion breve cu Davni Roza, presidente di SINBA a bisa despues di un reunion cu Minister di Husticia Andin Bikker riba otro temanan.

E reaccion a bini riba pregunta di 24ora.com riba nan posicion pa loke ta e demanda di empleadonan publico pa pago di indexering 2018.

SINBA: Sindicatonan mester cuminsa bira serio ora di pidi indexering

SINBA: Sindicatonan mester cuminsa bira serio ora di pidi indexering. Click e link pa mas https://24ora.tv/2WQHZan

Posted by 24ora on Tuesday, November 5, 2019

El a cuminsa pa bisa “Boso kier opinion di SINBA di berdad? SINBA na e momentonan aki nos ta leu pa loke ta indexering. Boso mes por mira con Gobierno ta aworaki cu tin un CAft riba nan lomba, Hulanda ta riba nan schouder y nan tin un pistol na cabes pa un KB. Bisami con nos por bay negocia indexering aworaki cu tur e situacion.

Nos mester ta un poco serio si pa locual nos ta bezig cun’e. P’esey SINBA no ta den e fraccion di indexering aworaki. Cada ken ta liber riba nan mes pa haci locual ta cumbini nan. Nos ta respeta. Na añanan 2011, 2012 y 2013 a bringa indexering riba papel. Tabata sindicatonan SADA, SEPPA, SINBA, y otro sindicatonan no tabatey. Nos a respeta nan opinion.”

E otro sindicatonan ta luchando pa pago di 3.6% di aña 2018. Gobierno sinembargo a haci un oferta pa paga e placa aki den e tres primanan di aña, cu ta mas o menos 0.6%

Comments

comments