Awemainta trempan a tuma lugar un rueda di Prensa di movimento RAIZ na Cas di Cultura. Motibo ta e simposio di diabierna awor, fecha 14 di Juli den e sala na Cas di Cultura.
E evento cu ta titula ‘Ruta pa un Turismo Sostenibel’ manera e titulo ta indica lo trata diferente aspecto presenta pa diferente orador pa bin cu solucion, alternativa y proposicion pa yega na un Turismo Sostenible pa nos isla, su bishitantenan y su hendenan.
Partido Raiz ta anuncia su Symposio
Posted by 24ora on Thursday, June 13, 2019
Fuera di integrantenan di movimento RAIZ a hiba palabra tambe algun orador di e evento. Presente como orador ta Sra. Caroll Croes Guiamo, y tambe e dos keynote speaker nan di e evento cu ta Dr. Sam Cole y tambe su esposa Dr. Victoria Razak. Tur a elabora un poco ariba nan parti den e evento. E otro speaker nan lo ta Sra. Mettes, Sr. Ewald Biemans di hotel TARA BUCUTI & tambe ex director di AHATA, Sr. James Hepple cu actualmente ta un professor na Universidad di Aruba.
Awe mainta tanto Dr. Cole como tambe Dr. Razak a conta ariba nan connection cu e isla di Aruba cu ya nan ta bishitando pa mas di 4 decada. Tur dos academico a traha cu gobierno nan di diferente asignatura cu ta bai bek ten a Status Aparte y inicio di e boom di turismo den Caribe. Ambos a ehecuta varios estudio Acadamico y a presenta e resultado nan aki na e gobierno nan di e tempo ey cu e proposito pa forma un maneho di Turismo Sostenibel. Maña despues di casi 15 aña cu e estudio aki a keda presenta nan lo duna nan conclusion nan na unda nos isla ta para awor den comparacion cu unda nos lo ta si nos a sigui e consehonan presenta den nan estudio di 2004. Cu otro palabra un charla sumamente educativo y informativo.
Un conferencia di prensa interesante cu a duna un sabor di kiko ta spera pueblo mayan den sala di cas di cultura. Preparacion ta andando pa lunas caba pa e conhunto di individuo experto aki presenta den e panel y asina contribui na e simposio.
Movimento RAIZ ta extende un cordial invitacion na e pueblo di Aruba en general pa yega na Cas di Cultura y asina informa nan mes ariba e topico sumamente interesante aki pa di e forma aki cada persona por forma nan propio opinion ariba e topico y por participa den discussion sano pa yuda structura e
Por sigui un grabacion di e rueda di prensa aki ariba e facebook page di RAIZ y tambe ariba e facebook page aki por haya tur informacion relevante di e simposio, updates, entrevistanan etc etc. Tambe por aserca cualkier integrante di e movimento pa ticket. E entrada ta na balor di 25 florin. E simposio lo tin un duracion di 3 ora y lo cuminsa pa 7or di anochi en punto. RAIZ ta enfatisa cu esaki NO ta un evento politico y cu e ta un evento organisa pa henter pueblo di Aruba y tur persona cu ta specificamente interesa den e tema di Turimo y di Sostenibilidad.
Pa mas informacion por subi e webpage www.raizaruba.com of e fan page di RAIZ riba facebook
