Diahuebs merdia docentenan di EPB a acudi na oficina di SEPB pa expresa nan malcontento cu cambionan abrupto cu directiva a bini cun’e sin niun momento consulta cu nan.

Den careda di dos’or e docentenan a yega uno tras di otro pa bin tende cu riba diahuebs oficina ningun miembro di directiva ta presente. Josephine Martilia-Albertus, presidente di SIMAR, tambe presente na e sitio a bisa cu e miembronan trahando na EPB no a keda contento cu e decisionnan tuma door di e directiva ya cu niun momento nan tabata envolvi. “El a bini di un forma abrupto, imponi. P’esey nan a skirbi un carta den cual ta informa di no ta di acuerdo cu e decisionnan y ta pidi pa hala e decisionnan aden. Pero tambe nan tabata desea di papia cu e directiva pa haya sa pakico a tuma e decision en cuestion y di e forma ey.”

T’asina cu na inicio di juni nan a haya un carta unda a bisa cu tin un cambio minimo den e directiva. Despues, dia 21 di juni ultimo, cual ta tres siman despues, nan a haya un cambio drastico cual nan no ta compronde p’akico.  E docentenan a bin tende cu pa otro aña escolar tin dos director nobo.

SIMAR: Te ainda docentenan no a haya oido di SEPB

SIMAR: Te ainda docentenan no a haya oido di SEPB. Click e link pa mas https://24ora.tv/2J8nqzQ

Posted by 24ora on Thursday, June 27, 2019

San Nicolas tin director nobo y EPB Hato tambe tin su propio director. Awo tur hende mester custumbra cu nan director nobo. Nan ta haya e ora cu mester mantene continuidad den e managernan. Nan por yuda tambe den e settlement di e director nobo. Pero awor aki directiva ta bin abrupto cu un cambio unda cu tur e managernan tambe tin cu cambia di nan Unit. Tin director nobo y maneho nobo. Riba dje tambe a bin cu algun proceso extra pa otro aña cu nan kier implementa. Ta cambio riba cambio, sin duna e docentenan tempo tampoco pa nan por aclimatisa.

Hasta a pidi pa e directiva acudi na e scol pa nan combersa, pero e directiva ta prefera di contesta tur cos via di carta. Nan a logra haya Minister Lampe pa acudi diaranson merdia na Hato, pa mira e situacion y scucha preocupacion di e docentenan. “Esaki ta algo cu e docentenan a aprecia masha hopi mes cu e mandatario a logra haci memey di su schedule hopi druk, pa scucha nan.” Tabata durante e bishita ey e mandatario a informa nan cu diabierna e tin un combersacion cu directiva di SEPB, cu nan a haya masha straño mes. “Minister ta haya un combersacion cu e directiva di SEPB, y te ainda nan mes no ta logra haya un encuentro cu e directiva pa scucha nan preocupacionnan. Esaki a pone cu nan a dicidi di bay na e sede di SEPB pero a topa cu solamente e secretaria.”

 

Docentenan rabia ta busca drechi di directiva di SEPB

Posted by 24ora on Thursday, June 27, 2019

 

Nan ta sinti cu e directiva no kier enfrenta e docentenan y ta prefera atende tur cos via di carta.  “Esey no ta bunita. E hendenan ta sinti nan mes menos aprecia, pasobra cosnan ta wordo imponi riba nan di forma abrupto. Pero door di amor pa Enseñansa ta mira con pa atende cun’e pero ta yega un momento  e ta bira di mas manera aworaki.” Docentenan ta keda dispuesto pa sinta papia.

 

Comments

comments