SIMAR ta organisa presentacion riba situacion laboral

For di 2005, ILO a pidi Aruba pa acorda cu convenio 155 y na 2006 cu convenio 187 pa asina bin cu un macro pa a largo plaso cambia y/o modernisa nos leynan di siguridad y salud. Durante añanan cu a sigui no por a yega riba nada concreto.

Awor den 2019 a inicia un tripartite unda a cuminsa e proceso di nobo pa trata e ‘Arbowet’ Aruba.  Den cuadro di esaki SIMAR kier a invita maestronan, miembro y no miembro, pa atende un anochi informativo cu lo tuma lugar dialuna 20 di Mei.

E lectura aki lo wordo duna door di experto den ley laboral Flora Petronilia cu for di un principio tabata involucra den e actualisacion di nos leynan laboral. E lectura aki lo tuma lugar na sede di SIMAR den sala Bruce cuminsado for di 7pm.

Comments

comments