Sindicato SIMAR a participa den e Cumbre cu Gobierno y Gremionan pa duna informacion di e fase cu Aruba ta aden financieramente y cual ta e caminda habri pa por sigui cu cabes riba awa den e proximo lunanan. Mescos cu tur otro participante, SIMAR a capta e informacion cu mucho caminda of opcion Aruba no tin, segun Josephine Albertus, presidente di SIMAR.
A nota cu den e periodo cu ta tras di lomba, Aruba a dialoga cu Hulanda y asina por mira cu tin algun cambio, manera e edad di pensioen cu ainda mester haci un estudio di kico e lo bira finalmente. Pero ta parce cu 67 aña e lo no ta.
Nan a haya informacion di cifranan financiero di Aruba y cu despues di augustus e situacion no ta resistibel mas. Den e scenario aki a scucha tambe cu Hulanda ta e unico instancia dispuesto pa yuda Aruba. Sinembargo no tabata mucho cla pa SIMAR si yega e momento cu bisa NO na Hulanda, kico lo bay pasa.
