Sindicato di SIMAR a manda un carta di dos pagina pa minister presidente riba e aumento abrupto di tarifa di awa. Incluso a manda e carta pa minister Glenbert Croes y tur parlamentario. Den e carta aki nan a trece nan preocupacion y disgusto.
Josephine Albertus, presidente di SIMAR, a bisa cu e manera con e cos ta bay no por. Awe ta saca un comunicado cu entrante mañan e tarifa ta subi. Di tuma nota dje situacion financiero, di basta tempo caba e situacion financiero dje ciudadanonan ta precario.
Si mira e veld di enseñansa, ya caba nan tin mas di dos aña ta entrega 12.6%. Awo por bisa cu siman pasa nan a pasa e ley di LNT y otro luna ta premira di subi bek cu 5%. Kiermen lo elimina e 5% di e recorte, pero ainda esey no ta fiho. Di mira e carta cu a sali di van Huffelen y loke minister presidente a vocifera, e LNT mester pasa y sali di presupuesto di Aruba. Como esey ta e caso, CFt tin di duna aprobacion.
Siman pasa por a nota den rueda di prensa di CFt, nan a bisa den transcurso di e siman aki nan ta en espera di e documentonan di gobierno, pa asina nan bay analisa y duna oke. Costo di bida ta subi, gasolin ta subi y awo awa ta bay subi, esey ta bay trece peso atrobe riba problema social.
Loading…
Reload document 
Open in new tab Tur hende sa como maestro of laborando den veld di enseñansa, ora cu ta na scol y yega pa brinda e alumno enseñansa, e alumno ta bin di cas cu tur problema social. Y abo como docente ta haya bo confronta cu e situacion aki. No ta solamente alumno, pero docentenan tambe, unda nan ta alleenstaande, situacion ta precario, nan pareha a perde trabou. SIMAR ta trece e preocupacionnan aki pa gobierno y pa mustra cu e situacion actualmente financiero ta hopi precario.
Pa mas lesa TREMPAN.COM.
