Siman pasa 2.4 miyon trahado a perde trabou na Merca

400

Na tur, den e ultimo 9 simannan di Covid-19, Merca ta raporta cu un total di 38 miyon trahado a perde nan trabou; Siman pasa so tin 2.9 miyon trahado a raporta nan status como “desemplea”. Esaki a sorprende e sector di trabou pasobra net awo negoshinan a cuminsa lanta cabes, cu servicio di entrega of busca producto pafo di e tiendanan. Asina mes confiansa di e doรฑonan no tey y como tal ta sigui manda trahado cas.

Hasta awo cu varios estado a cuminsa suavisa e restriccionnan di “Shelter in Place” y ceramento di negoshinan, asina mes trahadonan ta sigui haya carta di retiro den forma masal. Den un rapport emiti ayera, Gobierno di Merca mes a conta cu e cantidad di trahadonan afecta directamente pa Coronavirus ta 38 miyon.

Ta bon pa menciona cu na luna di april ultimo, Departamento di Labor di Merca a raporta cu e porcentahe di “jobless” a alcansa 14.7%, cu ta hopi mas di locual e tabata prome cu Covid-19. Awor aki ta pronostica cu pa luna di mei e mesun porcentahe ey lo subi y alcansa of hasta surpasa 20%.