E siman aki ta siman di Kibra Silencio. Mas o menos 30 aña pasa esaki a keda proclama pa ex Gobernador Felipito Tromp, como e siman di Kibra Silencio.

E siman di Kibra Silencio, segun presidente di Quota Club, Ivy Simon-Hernandez, ta un siman na unda Quota ta dedica pa haci testnan di oido completamente gratis, cu ayudo di instancianan manera FEPO, SVb San Nicolas y Oduber & Kan, kende pa e ultimo seis añanan ta activo cu Quota.

Durante e siman aki, e schedulenan ya caba ta yen, aunke tin algun luga ainda, unda cu comunidad por yama pa asina haci nan testnan di oido. Normalmente ora cu ta haci test di oido, tin cu bay dokter di cas. Eynan ta haya un verwijsbrief y despues tin cu bay na un di e instancianan cu nan ta  indica.

Siman di Kibra Silencio dedica na prensa

Siman di Kibra Silencio dedica na prensa. Click link pa mas https://24ora.tv/2lI9iVY

Posted by 24ora on Tuesday, September 10, 2019

Durante e siman di Kibra Silencio, Quota ta honra un persona of un organisacion, pa ta modelonan pa comunidad. E aña aki kier dedica e siman di Kibra Silencio na nos miembronan di prensa.

Sin cu nan sa, nan mes ta wordo exponi tur dia na zonidonan duro. Riba caya, e pitonan cu nan ta scucha, brandweer, aeropuerto, DJnan, tur dia ta uza e headphonenan riba nan cabes. Nan no sa ki daño esey por tin durante añanan. Esey tur tin daño na e oido.

Den e caso di prensa, a scoge Erin Croes y Hilario Donker pa ta modelonan pa mira con nan test di oido lo sali. Leo Vrolijk y Hubert Thiel tambe presente durante e rueda di prensa convoca pa Quota, a haci nan test di oido cu FEPO.

Kristel van Nes, service director di Quota a agrega cu e meta di e siman aki, no ta solamente pa bin test e oido. E mensahe cu Quota kier a duna comunidad, ta hopi mas amplio cu esey. Ta pa e motibo ey mes, van Nes kier a enfoca riba e parti di prevencion, pasobra esey tambe ta un parti di Quota, cu ta purba di cubri tur aña.

Cu prevencion nan kiermen ta cu ta hopi importante pa pueblo bira toch un tiki mas consciente riba e topico di oido. Tur caminda cu bo bay tin zonidonan duro. Sea bo ta bay un evento. Awo nos ta drentando fin di aña ta bay tira klapchi, wak pagara. Ya despues carnaval ta cuminsa.

Constantemente durante un aña ta enfrenta nos mes den zonidonan duro. Ta hopi importante pa hendenan sa cu e zonidonan ey, bo no ta bay cambia na e momento aki hopi na esey. Pero toch tin partinan cu bo mes por haci, por ehempel tur caminda cu bo bay, si bo sa cu un caminda tin zonido duro, no mester lubida e earplugs.

Hopi hende no kier tende di earplugs, vooral esnan mas grandi di edad. Pero e ta yuda proteha bo oido. E ta baha e volumen cu tin sigur cu 20 pa 25 decibel, cual ta haci un diferencia.

Tambe pa no bay para mucho cerca di un speaker, por ehempel den temporada di carnaval. E zonido ta sumamente duro y instantaneamente, kisas no a na e momento ey, por causa un daño. Hopi hende ta lanta e dia despues cu un piep den nan orea. Un piep ya caba ta indica cu algo a bay fout durante cu tabata tin e zonidonan duro.

Den temporada di carnaval, ta bay scol pa educa esnan mas chikito. Quota ta kere cu educacion ta e base di concientisacion y e siman aki ta enfoca mas riba e hendenan grandi, pa bin test nan oido, pa wak si tin un problema, pero tambe pa educa nan pa asina nan por bay cas y nan tambe por educa nan yiunan, y nan famia.

E aña aki tambe, manera tur aña, ta scoge nan persona sordo di aña, cual ta un persona semper ta admira cu apesar di ta un hende cu ta sordo, ta exitoso, pasobra nan tambe por. E ta rekeri un tiki mas esfuerso kisas, pero, nan ta mes bon cu tur hende den comunidad y esnan cu ta exitoso y ta mustra cu nan por, nan ta haya un award.

E aña aki no a scoge pa un persona adulto, sino pa un hoben di 15 aña, cu a nace sordo y tabata sordo y ainda ta sordo, pero a haya un aparato special tempo e tabata tin 7 aña. Apesar cu el a nace sordo, el a cuminsa cu e proceso di siña papia. Awo por mira cu na scol Scucha Nos, el a haya su base di educacion, un famia fuerte y awe hasta e ta bayendo EPB na unda e ta bayendo super bon.

Ta trata aki di Ariana Cuevas, cu a ricibi e award, hunto cu su mayornan.

Funwalk

Pa esnan cu ta interesa den funwalk, cual lo ta diabierna awo, dia 13 di september, pa 7’or di 9’or na Bushiribana. E ta bay ta un Neon Funwalk. Ta bay tin hopi neon. Ta bay tin musica, no mucho duro, pasobra esey no ta locual cu Quota ta para pe. Pero e ta bay ta hopi gezellig. Ticketnan ta obtenibel cerca tur miembro di Quota.

Comments

comments