Falta menos di 50 dia p,a eleccion di Aruba y gobierno kier bay den e parti di digitalisacion, unda kier uza scan. Presidente di Stichting Tegen Hackbare Verkiezingen, Sijmen Ruwhof, a spanta di e idea aki. E idea ta cu ora e votado yega, ta scan e code di e stembiljet y despues di a vota.
E idea ta pa hendenan vota cu potlood y despues nan mes ta bay scan e stembiljet p’asina e bira digital. El a splica cu tin dos cos ora di scan ta pasa cual e ta na yegada y ta tene cuenta ki ora cua partido a haya voto. Na momento cu scoge e volgorde di yegada y e volgorde di e scan di votamento, asina por pone nan na otro y haya sa cua partido a vota. Asina ey por haya sa e secreto di voto, cual tecnicamente bisa ta saca e parti anonimo di votamento. “Ningun hende mester sa pa ken bo ta vota. E ta un principio importante den democracia pa no pone presion riba hende pa vota pa un persona of cierto partido”, el a expresa. No mester bay tras di ningun hende, kiermen tin derecho di libertad.
Sijmen Ruwhof ta presidente di Stichting Tegen Hackbare Verkiezingen y den e ultimo 4 aña durante su ora liber e ta traha riba e siguridad di eleccion Hulandes pero tambe ta sigui e desaroyonan internacional. Na Hulanda el a percura pa haci e proceso di eleccion ta safe, pa ta transparente y a trece na cla tur procedura di siguridad. Na momento cu Ruwhof a tende di e sistema aki, el a trece padilanti su punto y a bisa nan riba e parti peligroso di e desaroyo. El a splica cu na momento den democracia trece na peliger e excuus di secrecia door di cambio di e proceso, ta pone cu hende ta pensa cu libremente nan no por saca afo nan stembiljet. Pero na momento cu pone e dos informacionnan hunto, esta yegada y ora di vota, por mira precies ken a vota pa cua partido.
A traha riba loke el a haci y a percura pa mehor’e, pero e ta traha cu otro specialistanan pa drecha tur cos. Como cu e ta algo cu ta sigui, el a sigui traha cu diferente docente y a bin cu un fundacion. Pa eleccion nan tin specialistanan cibernetico, kendenan a percura p’e eleccionnan. Ministerio di Asuntonan Interino ta acerca e fundacion pa conseho, pero regularmente media tambe ta puntra nan opinion y si tin confiansa den eleccion Hulandes.
