AMAK a yama un conferencia di prensa pa asina splica y aclarea loke a pasa diaranson anochi ora Buleria tabata tocando. Siguridad di Curacao Festival Center y cu ta responsabel pa e siguridad durante e Festival di Tumba a sali splica kico a sosode.
Esun cu a papia durante e conferencia ta Gregory Gonzales encarga cu siguridad den Festival Center. E persona tabata bebi y via e area di prensa a subi stage bay riba Rocco. E no a gusta e pieza cu tabata tocando e momento ey. Loke a pasa ta algo cu por sosode cualkier caminda durante un evento. Nan a grijp in mesora segun Gregory Gonzales. Pa e anochi final lo tin mas seguridad presente manera semper ta e caso. Tin hopi atencion pa loke a pasa y pesey mes AMAK a yama e conferencia. Tur hende por ta trankil pa e evento final diabierna.
