IOWUA a sinta hunto cu minister Glenbert Croes y su team y tambe RDA y su team, y a trece e hecho cu ta hopi fastioso cu trahadonan cu ta cobra via CMB a cobra diahuebs of diabierna y esnan cu ta cu RBC, ainda no a cobra, segun presidente di e sindicato, Boy Anthony.
Tambe a comunica paden ta kico ta pasando. Diaranson a yama Anthony banda di 1’or, cu diahuebs e placa ta drenta.Kincena pasa, RBC a paga dos biaha. Eynan e confusion a bin. Door cu nan a paga dos biaha, e confusion a bin cu nan mester a paga siman pasa diabierna, pero te diahuebs awo, esta 23 di Mei, nan ta paga.
Boy Anthony: IOWUA tabata tin un hopi bon reunion cu RDA y Gobierno. Click link pa mas https://24ora.tv/2WjJTma
Posted by 24ora on Wednesday, May 22, 2019
E bon ta cu nan ta bay paga diahuebs y ta spera cu no ta bay pasa mas. Esaki no ta falta di trahado, sino falta di Citgo mes, cu a manda e placa dos biaha, cu e confusion a bin.E bon ta cu a resolve e problema y cu proximo biaha ta spera cu e no pasa mas.Anthony a manda mensahe tanto pa e trahadonan como tambe pa gerencia, pa esaki no pasa mas.Miho laat cu nunca, Anthony a comenta.Esey sigur ta un bon noticia. Pero tin mas.
Mas bon noticia
Boy Anthony di IOWUA a comenta cu e tin cu pidi un danki na minister Glenbert Croes, cu a reacciona na momento cu Prome minister Wever-Croes di Merca, bin cu e wine down, cu e no ta bay ta facil, cu e liability, cual e tin rason, segun Anthony. Tur eseynan ta den wega. E sancion ta den wega. E situacion na Venezuela tambe ta den wega. Nos ta mey mey di tur e conflicto aki.
Anthony a sinta diamars cu tanto minister Glenbert Croes, cu su team, Alvin Koolman cu su Team y IOWUA cu su team. E reunion a bay den hopi bon esfera, den e sentido cu el a bay cu respet, cu transparencia, cu por a puntra kico nan tabata kier. Contesta a bin. Tin ora e sa tin tiki friccion, pero mester resolve problema na mesa.
Tin tres opcion. Tin upgrader, cual tabata un idea genial. Cu un upgrader bo no mester cracker pa traha gasolin. Esey no ta traha placa mas. Pa traha synthetic Oil y pa bin cu gas, tabata un idea genial.
Pero e situacion na Venezuela, e sancion con el a bay, no a bay bon. Pero no por give up riba dje. E gobierno ta dispuesto pa sigui pa purba logra e upgrader.
Alvin Koolman di RDA ta specialista riba e tema aki y tin hopi experiencia. Manera cu minister Croes a bisa, si e 1% tin pa habri’e, ta bay cu e 1% eynan. Si bo no tin speransa, bo no ta gana nada. Esey ta prioridad awor aki, tanto di Gobierno como di RDA.Sa cu tin Marisol Lopez-Tromp, y Otmar Oduber cu no ta pro e refineria. Anthony a splica cu tempo cu Lopez-Tromp a cuminsa, Anthony tabata admir’e. El a yega di bay cu hopi voto. Pero a momento cu el a cuminsa bula cura, el a caba na nada. Awor aki tin cu wak cuanto voto tabata tin y cuanto voto e tin awo. Otmar tambe.
Otmar a traha 7 aña cu AVP y den di 8 aña AVP no ta sirbi. Si bo bula cura, bo ta cay.
Bo por tabata den gobierno, pero cu voto bo a cay te vloer. Esey ta conta pa tur esnan cu a bula cura. Comerciantenan tampoco. Na 2012 caba nan a laga sa cu nan ta manera no ta pro-refineria. Anthony a splica cu el a bisa minister Glenbert Croes si e, prome minister, ta kere den e upgrader, e homber cu sa mas na Aruba di refineria, Alvin Koolman, ta kere den e upgrader, IOWUA ta sostene nan. Esey ta e prome opcion.Tambe tin un terminal. E terminal ta percura pa e fueloil, e tres productonan, esta jetfuel, diesel y gasolin, pa pueblo, cual tambe ta prioridad.
Esey so no ta crea trabao. E no ta crea placa. Ta djis keda bibo. Si bo cuminsa, bo tin e transshipment, 12 tanki disponibel y por huur nan, mantene nan. Tanten cu no bin un solucion pa e upgrader, bo ta percura pa e hendenan mantene nan trabao y haya cliente cu of sin Citgo. Na momento cu e sancion of e situacion na Venezuela cambia, e gameball ta cambia. Si esey bira un upgrader, San Nicolas ta subi. Aruba ta subi. Ora bo ta negativo, bo no ta logra nada. Si bo no tin speransa, bo no ta logra nada. Si ta un porciento bo mester kere, manera gobierno di, mester bay pe. Si gobierno ta serio, manera cu Anthony ta wak, IOWUA tambe ta sostene nan. E ta prefera di perde riba su pia y no benta serbete den ring.
Den pasado, tabata tin momentonan cu a pasa cu a pensa cu lo bin ariba. A traha hopi overtime, sacrifica famia, y a toch a logra lant’e. E importante awor aki ta, pa cera tur equipment cu ta habri pa oxigeno. Cera nan di un modo of otro pa proteh’e warda pa miho tempo. Pero no por give up.
