Departamento di Duana ta inicia un opleiding pa Kommies der Invoerrechten en Accijnzen y ta busca candidatonan integro, profesional, servicial, colegial, cu enfoke riba calidad, resultado, cooperacion y cu un bon estado fisico y mental. Departamento di
Duana ta e autoridad encarga cu control riba e importacion, exportacion y transito di mercancia for di Aruba a base di e Landsverordening in-, uit-, en doorvoer, accijns y bijzondere verordeningen.
E servicionan di Departamento di Duana tin como meta pa stimula economia di Aruba y comercio internacional y alabes proteha e sociedad. Como parti di nos organisacion, Departamento di Duana ta considera integridad y eficiencia dos componente fundamental.
Pa mas informacion tocante e vacatura y pa solicita, candidatonan por bishita nos website y yena e formulario digital, esta: https://www.douane.aw/opleiding-tot-kommies-der-invoerrechten-en-accijnzen/
Si bo a yega di solicita anteriormente, mester yena e aplicacion di nobo via website. Mester agrega e papel di 5 florin di Censo (uittreksel bevolkingsregister). E ultimo fecha pa solicita ta dia 12 di maart 2021.
