E aña aki rond di un miyon Hulandes a contagia cu Coronavirus. Un bes ki ta bin e vacuna: Ta importante vacuna un hende cu tabatin e virus caba? Pa por contesta e pregunta aki, lo mester haci algun pregunta valido. Prome cu tur cos: Con a para cu e anticurpa nan? Si bo a contagia, bo mes ta traha anticurpa pa combati e virus. E ta dura mas of menos un siman prome cu e reaccion cuminsa cana bon.
Con a vacuna ta funciona
E vacuna ta percura cu bo curpa ta conoci cu e virus. Den dje tin un cantidad chikito di e virus. Nan ta asina tiki cu bo no ta bira completamente malo, pero bo immune system ta cuminsa traha. Asina bo contagia, bo curpa di biaha ta traha anticurpa cu ta bringa e virus. Un pida di e virus solamente por haci algo si e drenta un cel, asina Anke Huckriede, vaccinoloog di UMCG, a bisa.
“E anticurpa mester pega na e virus y di e manera ey ta blokie p’e no drenta den e cel.”
Un investigacion di Rijksinstituut voor Volksgezondheid en Milieu (RIVM) a conclui cu nuebe di dies persona contagia cu Coronavirus, despues di mita aña ainda tin anticurpa den nan sanger. Despues di tempo nan ta bira mas fuerte, di cual mester menos anticurpa p’e mesun efecto.
Investigado di RIVM Fiona van der Klis a bisa aunke cu no sa cuanto anticurpa mester pa no contagia mas cu e virus of pa no tin’e. “Hecho ta cu ainda tin anticurpa despues di a contagia, esey ta nifica cu nos cupra por reconoce e virus,” el a expresa.
Anticurpa y e virus
Cu e anticurpa nan ta bira mas fuerte, esey ta nifica, segun Van der Klis, cu nan por pega miho na e virus pa combati esaki. “Pensa riba un magneet y un paperclip pega na dje: Mas fuerte e magneet ta, mas duro e paperclip ta pega. Esey tambe ta pasa cu e anticurpa, nan ta bira mas fuerte.”
Na Hulanda: TUR hende mester vacuna!
No tin un claridad completo te con leu personanan cu a contagia ta protegi contra Coronavirus y con largo esaki lo dura. Bek na e pregunta: Si bo a traha anticurpa durante cu bo tabata contagia cu Coronavirus, toch lo bo mester vacuna? Gobierno Hulandes a presenta nan strategia di vacunacion siman pasa den cual a inclui cu esunnan cu a contagia tambe mester vacuna.
“No ta exclui ningun hende di e grupo aki di vacuna, pasobra por bolbe contagia”, asina e Immuunoloog, Marjolein van Egmond di UMC Amsterdam, a bisa RTL Nieuws. “Si despues di un luna cu bo a contagia cu Coronavirus y a vacuna, no tin mucho importancia, pasobra ainda bo tin anticurpa. Pero si un aña pasa bo a haya Coronavirus, por ta bo tin menos anticurpa awo. Pa siguridad ta miho pa vacuna”.
Van Egmond a bisa cu e sistema inmunologico ta traha den e forma cu si bo contagia dos biaha, cu e ta bira mas fuerte. Cu cierto vacuna ta rekeri pa tuma hangua por lo menos dos biaha pa aña pa por tin e efecto desea.
