Tur cos ta cla p’e gran evento di Shoco Loco Talent Show, organisa pa varios studiante di Universidad di Aruba di e facultad di Hospitality and Tourism Management Studies.
E lo tuma luga den Renaissance Convention Center y ta cuminsa pa 6:00 pm. Porta ta habri for di 5:15 pm caba. E evento aki lo ta na beneficio di dos fundacion, esta Aruba Animal Shelter y Luna Foundation Aruba. Lo bay tin 13 presentacion dividi den tres categoria, esta musica, canto y baile.
Entrada ta na balor di 25 florin y cu cada compra di un ticket ta haya chens pa participa pa gana un weekend-stay na La Cabana Beach Resort & Casino.
Tur fondo recauda p’e bendemento di ticket lo bay directamente p’e dos fundacionnan ariba menciona. Asina ta, bin pasa un rato contento, yena cu talento den e Shoco Talent Show, organisa p’e studiantenan di facultad di Hospitality & Tourism Management Studies di Universidad di Aruba, diasabra awo.
