Shete estado di Venezuela den cuarentena

Venezuela's President Nicolas Maduro speaks during a news conference at Miraflores Palace in Caracas, Venezuela, March 12, 2020. REUTERS/Manaure Quintero

Presidente Nicolas Maduro a anuncia ayera cu lo aisla e capital Venezolano y otro seis estado pa wanta plamamento di e coronavirus nobo. E cifra di personanan contagia a yega 17.

For di 5’or awe mainta “ta drenta den cuarentena social y colectivo” e capital Venezolano, e estadonan central di La Guaira, Miranda, Cojedes, ademas di e estadonan fronterizo cu Colombia di Zulia y Tachira, Maduro a bisa den un declaracion transmiti en cadena di radio y television.

“Awe nos a detecta shete caso mas, shete caso, tur loke ta wordo yama casonan importa, cuatro di nan a bini di Europa, un di Cucuta, cual ta e di dos caso detecta cu ta bin di Cucuta,” ademas di otro casonan yega di otro luganan di mundo. E dos prome casonan a keda raporta diabierna.

For di diadomingo 8 di maart, a raporta casonan sospechoso di coronavirus riba e isla y ya tin cinco caso confirma.

Maduro a indica cu e habitantenan di e regionnan ey, incluyendo Caracas y cuatro municipio di e estado bisiña Miranda, unda mas ta biba mas di seis miyon di persona, “mester keda den nan cas”.

“Nos a bin ta evaluando cu sinceridad cu e unico forma pa para e canalnan di propagacion ta drenta  progresivamente y di forma rapido, den un fase di cuarentena colectivo,” el a agrega.