Falta 100 dia pa Pasco y si ta bon, hende sa duna di conoce e prome decoracion of anuncionan di television den e epoca aki di aña, e combersacion den 2020 ta hopi diferente. Covid-19 ta nifica cu tur loke nos tin custumber durante e temporada di Pasco probablemente lo ta hopi otro den e temporada festivo aki.
Hasta e personanan mas optimista no por imagina cu Aruba lo ta liber di Covid na december, pa cual tur e tradicionnan na cual cu bo ta custuma, lo mester cambia. E restriccionnan domestico y leynan di distanciamento social ta nifica cu tur cos lo ta straño, for di pone bo mes al dia cu bo amigonan te cu e comemento riba su mes.
Aki tin algun cos cu definitivamente lo no ta mesun cos si ainda lo tin e restriccionnan:
Comemento di Pasco of Noche Buena
Pa esunnan cu tin famia grandi cu ta custuma pa yega cu mas di un dozijn di hende hunto pa e tradicional Noche Buena of e comemento di Pasco, no lo bay tin’e e aña aki. Ta casi sigur cu e restriccionnan di cas lo sigui vigente pa cual lo bay tin un limite den e cantidad di hende na cual bo por invita.
Fiestanan di trabao
E fiesta tradicional di oficina parce ta cla pa mayoria, a menos cu traha den oficinanan chikito of warda pa hacie virtualmente. No por tin mas di 4 na un mesa actualmente, loke ta haci cu mayoria di e oficinanan mester reconsidera e plannan.
Misa di Pasco
Por lo general, e periodo mas activo di aña den e misanan, pero cu limitenan di capacidad, e mayoria fielnan lo no asisti na e misa di Pasco.
A cambio, ta pronostica cu hopi mas lo sigui e misa for di nan cas.
Bishita amigonan den exterior
Hopi amigo ainda por bolbe cas bek pa e periodo festivo cu nos ta spera, cu e prueba di test di Covid hungando un papel importante den esaki. Pero pa algun di nan, e molester di ta den cuarentena durante dos siman y posiblemente otro dos siman den e pais cu nan ta biba, awo ta nifica cu menos amigo y famia ta regresa cas bek pa december.
Hacimento di compras
Cumpra ya ta hopi diferente cu e limitacionnan den e tiendanan y hopi cambio asina cu bo pone pia den e tienda. Awo, pensa con ocupa e centronan comercial den stad sa ta durante e periodo prome cu Pasco. E compranan online probablemente lo tuma cargo di hopi, aunke mester ta prepara y haci’e tempran: E cumpradonan den panico por bay tin problema.
Tradicion fin di aña
Bendemento di klapchi y vuurwerk ta otro custumber di e pueblo di Aruba. E situacion financiero sigur lo causa cu e bentanan lo cay. Hecho ta cu tin comerciante a haci nan ordo caba na momento cu e crisis a dal Aruba. Probablemente lo mira e show den shelo na diferente cas, pero hopi menos cu otro añanan.
No mester lubida cu un di e tradicionnan di Aruba ta e coremento di paranda cu ta cuminsa asina cu 12’or bati y aña nobo habri.
E gruponan ta pasa cas pa cas cantando Dande y dunando e bendicion na delaster miembro di famia. Hopi famia mes ta forma grupo di Dande y pasa cerca famia y amigonan y di e forma aki yena e sombre cu algo di “zakgeld” pa e prome dianan di aña.