Un grupo di amigo lo a haya cu tabata bon idea pa baha nan waverunner pa asina diverti nan mes un poco riba lama, pero locual nan a lubida cu nos isla ta riba “Shelter in Place” cu no ta permiti esaki.
Polis a presenta na e area di baha boto dilanti ex-Cas di Gobernador na L.G.Smith Blvrd. y duna instruccion/ splicacion cu no ta posibel y cu tur boto y/o cualkier otro transporte maritimo di diverticion/placer tin prohibicion durante e SIP. Unicamente esunnan di pesca ta permiti subi lama.
A compronde tambe cu tin un bon cooperacion entre Kustwacht y Polis tanto riba lama como na tera pa asina e pueblo cumpli cu e SIP stipula pa Gobierno.
Naturalmente esnan presente a compronde, a coopera mes ora y a bandona sitio sin problema alguno. No tabata tin multa otorga pero si un advertencia cu lo por conduci na multa pa un proximo biaha.
