Shanro Thomas y Gilberto Boerleider a gana copa di Grand Champion Black Belt na Panama

Diamars den oranan di merdia a yega Aruba for di Panama e delegacion di Aruba Tang Soo Do Federation y Gihae Tang Soo do Studio, kendenan a competi den 17th Regional Championship di World Tang Soo Do Association na Panama bou Guia di Master Melissa Noguera. E campeonato a wordo organisa dor di Region #18 Centroamericano y di Caribe di WTSDA.

Nos di 24ora.com na yegada di e delegacion a combersa cu Shanro Thomas, un hoben di apenas 13 aña, kende cu su 1ste dan a haci un furor na Panama, logrando pa bay cu e copa di Grand Champion Junior Black Belt bou di 16 aña. Y bunita ta cu el a logra e triunfo grandi aki riba e fecha cu el haci aña. El a logra bay cu nada menos 3 medaya di oro. “Mi a prepara mi mes hopi bon y mi tabata train hopi duro pasobra e hendenan cu ta competi na Panama ta hopi fuerte. Y mi a logra gana 3 medaya di oro y e copa di Grand Champion,” e hobencito a bisa na su yegada cu su medayanan na su garganta y e copa di Gran Campeon den su man.

Shanro Thomas y Gilberto Boerleider a gana copa di Grand Champion Black Belt na Panama

Shanro Thomas y Gilberto Boerleider a gana copa di Grand Champion Black Belt na Panama. Click e link pa mas https://24ora.tv/2xSbblP

Posted by 24ora on Tuesday, July 16, 2019

Boerleider

E hoben Gilberto Boerleider, 3de dan, tambe a sobresali na Panama. El a logra gana dos medaya di oro y un di plata pa bay asina cu e copa di Grand Champion.
Su preparacion tabata un tiki dificil, segun e hoben, pa motibo cu recientemente el a yega e nivel di 3de dan. Pues e tabata un categoria nobo, den cual e mester a siña rapidamente den un periodo cortico e tecnicanan di 3de dan.
Na Panama el a topa cu contrincantenan hopi fuerte y nan ta hopi mas madura como cu nan tin basta aña compitiendo den 3de dam caba. “Sigui train, y duro, y lo bo yega na bo metanan,” tabata e conseho di Gilberto Boerleider na otro hobennan deportista.

Den e competencia aki a participa paisnan manera Costa Rica, Panama, Puerto Rico, Mexico, Merca y Aruba, cu un total di 200 participante. E nomber di atletanan representadoden e seleccion di Aruba tawata Jaileen Tromp 1st Dan, Shanro Thomas 1st Dan, Joshua Paimino 2nd Dan y Gilberto Boerleider 3rd Dan.
Tambe tabata tin 12 alumno di Gihae Tang Soo do cu a competi na e campeonato aki. E 16 participantenan di Aruba a logra gana 21 medaya di oro; 11 medaya di plata; 4 medaya di brons; 4 copa Grand Champion di Brons; 4 grandchampion den faha di color; Grandchampion Junior Male Black Belt Division; Grandchampion Senior Male Black Belt Division.
Esnan cu a gana medaya tabata: Jaileen Tromp (oro Hyung, plata den weapon Hyung y plata den sparring); Joshua Palomino (oro pa weapon Forms, plata pa forms, oro pa sparring, y Runner up Grandchampion Male Junior black belt division); Shanro Thomas (oro hyung, weapon hyung y Sparring, pero tambe Grand Champion Junior Black Belt Division 16 years and under); Gilberto Boerleider (oro hyungs, oro weapon Hyung, plata sparring, y Grand Champion Adult Black Belt Division 17 -35 years).

Resultado Grupo Gihae Tang Soo Do studio Aruba: Florian van Oosten (oro hyungs y sparring); Elijah Hernandez (oro hyungs y sparring); David Koolman (brons hyung y plata sparring); Abbygail Wever (oro hyung y brons sparring); Eline Marie Hernandez (brons hyung y plata sparring); Aline van der Sloot (plata hyung y sparring); Roos van der Sloot (oro hyung y sparring, y Grandchampion Female Orange Belt Division).
Mas medaya a bay pa Jayden Dirks (oro hyung y plata sparring); Juninho da Silva (oro hyung y sparring, y Grandchampion Male Orange Belt Division); Christian Sanchez (plata hyung y brons sparring); Hayley Morenk (oro weapon Hyung, oro hyung sparring, y randchampion Female Brown Belt divsion); Jady Franken (oro weapon Hyung, plata hyung, oro sparring y Grandchampion Female Red Belt Division).
Aruba Tang Soo Do Federation kier a gradici e comision di subsidio y Lotto pa Deporte pa e gran aporte ricibi. Y asina sigui engrandece e deporte di World Tang Soo Do y desaroyo di nos atletanan.na augustus lo cuminsa atrobe cu lesnan di Gihae Tang Soo Do. Pa mas informacion por yama na 5939881.